«حابار 24» ارناسىندا وتكەن ونلاين رەجيمدەگى باسپا ءسوز ءماسليحاتىندا ق ر اقپارات جانە قوعامدىق دامۋ ءمينيسترى داۋرەن ابايەۆ وسىلاي دەدى، دەپ حابارلايدى قازاقپارات ءتىلشىسى.
20 - ساۋىردەن ەلوردادا جۇمىسى جانداناتىن كاسىپورىنداردى اتاي كەلە مينيستر ءبىر ماسەلەگە نازار اۋدارۋ كەرەكتىگىن ەسكەرتتى. كارانتيننىڭ العاشقى جەڭىلدىگى - كوشەگە جاپپاي شىعا بەرۋگە بولادى دەگەندى بىلدىرمەيدى. جۇقتىرۋ قاۋپى ءالى دە جوعارى. وكىنىشكە قاراي، اۋرۋ ءالى جەڭىلگەن جوق»، - دەدى داۋرەن ابايەۆ.
ءمينيستردىڭ ايتۋىنا قاراعاندا قازىر قازاقستانداعى ەپيدەميولوگيالىق احۋال باقىلاۋدا تۇر. «جاڭادان جۇقتىرىپ الۋ جاعدايى ءالى كۇنگە دەيىن تىركەلۋدە. اۋرۋدىڭ شارىقتاۋ شەگىنە جەتكەن جوقپىز. سول سەبەپتى ءوزىڭىز بەن جاقىندارىڭىزدى قورعاڭىزدار»، - دەدى داۋرەن ابايەۆ.