ق ر مەملەكەتتىك قىزمەت ىستەرى اگەنتتىگى قوستاناي وبلىستىق دەپارتامەنتىنىڭ باسشىسى، ادەپ جونىندەگى كەڭەستىڭ ءتوراعاسى اسحات ەسكەندىروۆتىڭ ايتۋىنشا، ورتالىق مەملەكەتتىك ورگاننىڭ باسشىسى ەگەر ءوزىنىڭ ورىنباسارى، وزىنە تىكەلەي باعىنىشتى مەملەكەتتىك ساياسي قىزمەتشىلەر سىبايلاس جەمقورلىق قىلمىسىن جاساعان كەزدە وتستاۆكاعا بەرەدى.
«نەگىزى، «ق ر مەملەكەتتىك قىزمەتى تۋرالى» زاڭنىڭ مەملەكەتتىك قىزمەتشىلەردىڭ جاۋاپتىلىعى ماسەلەسى بويىنشا ەرەجەلەرى 2019 -جىلدىڭ 10-جەلتوقسانىندا قولدانىسقا ەنگىزىلگەن. ورتالىق مەملەكەتتىك ورگان باسشىلارىنىڭ ورىنباسارلارى ءوزى جەتەكشىلىك ەتەتىن ۆەدومستۆونىڭ، دەربەس قۇرىلىمدىق بولىمشەنىڭ باسشىسى سىبايلاس جەمقورلىق قىلمىس جاساعان كەزدە ورنىن بوساتادى. سونىمەن قاتار وبلىس، رەسپۋبليكالىق ماڭىزى بار قالا نەمەسە استانا اكىمدەرى ءوزىنىڭ قىزمەتكەرلەرى سىبايلاس جەمقورلىق قىلمىس جاساسا، وتستاۆكاعا كەتەدى. بۇل ماسەلە اۋدان اكىمدەرىنە دە قاتىستى. اۋدان اكىمى اپپاراتىنىڭ، جەرگىلىكتى بيۋدجەتتەن قارجىلاندىرىلاتىن اتقارۋشى ورگاننىڭ باسشىسى اۋىل، كەنت، اۋىلدىق وكرۋگ اكىمى جەمقورلىققا جول بەرسە وتستاۆكاعا بەرۋگە نەگىز بولىپ سانالادى»، - دەدى اسحات ەسكەندىروۆ.
اۆتور: قاسقىرباي قويشىمانوۆ