بۇل تۋرالى lenta.ru تيلبۋرگ ۋنيۆەرسيتەتىنە سىلتەمە جاساپ حابارلايدى.
ونداعى عالىمداردىڭ ەسەبى بويىنشا، ايەلدەر 115,7 جىل، ەركەكتەر 114,1 جىل ءومىر سۇرە الادى. جاسى 95 تەن اسقان ادامداردىڭ ءۇش ەسە كوبەيگەنىنە قاراماستان، 1986-2015 -جىلدار ارالىعىندا ەڭ جوعارى ءومىر ۇزاقتىعى وزگەرمەپتى. بۇعان قاراپ اۆتورلار ادام ءومىر ءسۇرۋ ۇزاقتىعىنىڭ شەگىنە جەتتى دەپ قورىتىندى جاساپ وتىر.
زەرتتەۋ اۆتورلارى سوڭعى وتىز جىلدا قايتىس بولعان، جاسى 94 تەن اسقان 75 مىڭ نيدەرلاندتىڭ ءومىر ۇزاقتىعىنا ستاتيستيكالىق ساراپتاما جاساعان.
2016 -جىلدىڭ قازان ايىندا جاريا ەتىلگەن زەرتتەۋ قورىتىندىسىندا امەريكان مەديكتەرى ادامنىڭ ورتاشا ەڭ ۇزاق ءومىر ءسۇرۋ ۇزاقتىعى 115 جاس، ال ەڭ شەگى 125 جاس دەگەن بولاتىن.