قازاقستاننىڭ تۇڭعىش پرەزيدەنتى كورنەكتى عالىم، اكادەميك ءومىرزاق ايتبايەۆتىڭ ومىردەن وتۋىنە بايلانىستى اۋىر قايعىعا ورتاقتاسىپ، كوڭىل ايتتى.
«حالىقارالىق قازاق ءتىلى قوعامىنىڭ پرەزيدەنتى قىزمەتىن اتقارعان ول مەملەكەتتىك ءتىلدىڭ قولدانىس اياسىن كەڭەيتۋ باعىتىنداعى تالاي يگى ىستەردىڭ ۇيىتقىسى بولدى. ازاماتتىق ايقىن ۇستانىمىمەن، قاجىرلى ەڭبەگىمەن ءتىل جانە تەرمينولوگيا، مادەنيەت پەن رۋحانيات سالالارىنىڭ ءوسىپ-وركەندەۋىنە اتسالىستى. ەل-جۇرتتىڭ قۇرمەتىنە بولەنىپ، سوڭىنا كوپتەگەن عىلىمي ەڭبەكتەرى مەن لايىقتى شاكىرتتەرىن قالدىردى.
ءومىرزاق ايتباي ۇلىنىڭ عيبراتتى عۇمىرى مەن جارقىن بەينەسى جۇرتشىلىق جادىندا ءاردايىم ساقتالادى دەپ سەنەمىن»، - دەلىنگەن جەدەلحاتتا.