قار، بۇرقاسىن، كوكتايعاق - سەنبىگە ارنالعان اۋا رايى
09:26, 09 - قاراشا 2019
نۇر-سۇلتان. قازاقپارات - «قازگيدرومەت» ر م ك 9- قاراشاعا ارنالعان اۋا رايى بولجامىن ۇسىنادى، دەپ حابارلايدى قازاقپارات.
رەسپۋبليكانىڭ باسىم بولىگىندە سۋىق اتموسفەرالىق بولىكتەردىڭ وتۋىمەن جاۋىن-شاشىن ساقتالادى. سولتۇستىكتە جانە شىعىستا كەي جەرلەردە جاڭبىر جانە قار تۇرىندە قاتتى جاۋىن-شاشىن، جەل كۇشەيەدى، بۇرقاسىن، كوكتايعاق كۇتىلەدى.
قازاقستاننىڭ وڭتۇستىك ايماقتارىندا انتيتسيكلوننىڭ اسەرىنەن جاۋىن-شاشىنسىز اۋا رايى ساقتالادى.
قوستاناي، اقمولا، سولتۇستىك قازاقستان، شىعىس قازاقستان وبلىستارىنىڭ كەي جەرلەرىندە تۇمان، كوكتايعاق، بۇرقاسىن كۇتىلەدى، جەلدىڭ جىلدامدىعى 15-20 م/س جەتەدى.
سولتۇستىك قازاقستان، پاۆلودار، قاراعاندى، الماتى وبلىستارىندا تۇمان، كوكتايعاق بولىپ، جەل 15-20 م/س جىلدامدىقپەن سوعادى.
جامبىل، اتىراۋ، باتىس قازاقستان وبلىستارىنىڭ كەي جەرلەرىندە تۇمان كۇتىلەدى. اقتوبە وبلىسىنىڭ كەي جەرلەرىندە جەل 15 م/س كۇشەيەدى.