سۋ رەسۋرسى جەتىسپەۋشىلىگىنەن ءىرى قالالارداعى سۋ ارنايى حلورلى تازالاۋدان وتەدى. حلور ءتۇرلى اۋرۋ تاسىمالدايتىن باكتەريالاردى ءولتىرىپ، ميكرواعزالاردى جويادى. دەگەنمەن، سۋ قۇرامىنا تۇسكەن زارارسىزداندىرۋعا ارنالعان زات ءتۇرلى حيميالىق قوسىلىستاردى تۇزەدى. حلوردىڭ ءيىسى قاتتى شىقپاسا دا، سۋ قۇرامىندا ناتري گيپوحلوريتى بولادى. ول اۋرۋ تاراتاتىن باكتەريالاردى عا ولتىرەدى. سوعان قاراماستان، ولگەن باكتەريالار حلوروفورم جانە تريگالومەتان سەكىلدى ورگانيكالىق زاتتى تۋدىرادى. ادام دەنەسىندە جينالعان بۇل قوسىلىستار اسقازان- ىشەك جولى مەن تىنىس الۋ جۇيەسىنە ايتارلىقتاي زيانىن تيگىزەدى.
قۇبىر سۋى قاتەرلى ىسىككە سەبەپ بولاتىنى راس پا؟ پاتەرگە جەتكەنشە سۋ ارنايى تازالاۋ ستانتسياسىنان باستاپ ءتۇرلى قۇبىرلاردان وتەدى. باكتەريالاردىڭ بولىگى حلور ارقىلى زارارسىزداندىرعانىمەن، بارلىق ميكرواعزانى جويۋ ءۇشىن كوپ مولشەردى ءسىلتى كەرەك بولادى. وندا تەك ميكرواعزالار ەمەس، ءسىز دە ءومىر سۇرە المايسىز. 1976 -جىلى امەريكالىق زەرتتەۋشىلەر ۇزاق ۋاقىت پايدالانۋ بارىسىندا حلوروفورمنىڭ تىشقاندارعا اسەرىن زەرتتەگەن. زەرتتەۋ ناتيجەسى ونكولوگيالىق اۋرۋلار مەن گورمونداردىڭ بۇزىلۋىنا اكەلگەن. قۇبىر سۋىن بەلگىلى ءبىر تازالاۋسىز نە شەكسىز قولدانۋى جاتىرعا بىتكەن ۇرىقتى دا ولتىرە الادى. سوندىقتان، قۇبىر سۋىن پايدالاناتىن بولساڭىز ارنايى تازالاعىش قۇرالدى پايدالانۋعا كەڭەس بەرەمىز.
Massaget.kz