«مەكتەپ - ءبىلىم بەرۋ جۇيەسىندەگى ەڭ باستى نىسانداردىڭ ءبىرى. قازىرگى ۋاقىتتا قالادا 87 مەكتەپ بار. سونىڭ ىشىندەگى 10 مەكتەپكە قازاقستانداعى ايگىلى تۇلعانىڭ ەسىمى بەرىلگەن. ودان بولەك، قالامىزدىڭ دامۋىنا شەتەلدىك ينۆەستورلار دا ءوز ۇلەسىن قوسۋدا. مىسالى، شەيح ەسىمدەرىن بەرۋگە ۇسىنىس جاسالعان مەكتەپتەر شەتەلدىك ينۆەستيتسياعا سالىنعان. وسىلايشا، حاليفا يبن زايد ءال- ناحايان اتىنداعى گۋمانيتارلىق قور №84 مەكتەپ- ليسەيىنىڭ قۇرىلىسىن تولىقتاي قارجىلاندىرعان، ال №85 مەكتەپتىڭ قۇرىلىسىن كاتار مەملەكەتىنىڭ دامۋ قورى قارجىلاي قامتاماسىز ەتكەن. اتالمىش ءبىلىم بەرۋ ۇيىمدارى ينۆەستورلار تاراپىنان ءبىلىم بەرۋگە قاجەتتى بارلىق قۇرالدارمەن جابدىقتالدى» ، - دەدى تىلەۋعالي قىشقاشبايەۆ.
اكىمدىكتەگى مالىمدەمەگە سايكەس، ينۆەستورلار مەكتەپ قۇرىلىسىنان بولەك، ءبىلىم بەرۋ وردالارىنىڭ ماتەريالدى- تەحنيكالىق جابدىقتالۋىن دا ءوز مويىندارىنا العان. جەكەلەي العاندا، قاجەت بولعان جاعدايدا قۇرىلىس جۇمىستارى جۇرگىزىلىپ، وقۋ قۇرالدارى الىنادى. ت. قىشقاشبايەۆتىڭ ايتۋىنشا، مەكتەپتەرگە اراب شەيحتەرىنىڭ ەسىمدەرىن بەرۋ تۋرالى ۇسىنىس وسى مەكتەپتەردىڭ باسشىلارىنان كەلىپ تۇسكەن. 2019 -جىلدىڭ 3 -قازانىندا قالالىق ونوماستيكالىق كوميسسيادا 12 ءبىلىم بەرۋ ورتالىقتارىنا ەسىم بەرۋ ماسەلەسى قاراستىرىلىپ ءوز شەشىمىن تاپقان. جىبەرىلگەن ۇسىنىس ق ر ۇكىمەتى جانىنداعى رەسپۋبليكالىق ونوماستيكالىق كوميسسياعا قاراستىرۋ ءۇشىن جىبەرىلەدى.
ەستەرىڭىزگە سالا كەتسەك، بۇدان بولەك ەلوردالىق مەكتەپتەرگە جۇمابەك تاشەنوۆ، احمەت بايتۇرسىنوۆ، بەيىمبەت مايلين، شاكارىم قۇدايبەردى ۇلى، ءماشھۇر ءجۇسىپ كوپەي ۇلى، ءىلياس جانسۇگىروۆ، ءمىرجاقىپ دۋلاتوۆ، ءاليحان بوكەيحان، ساكەن سەيفۋلليننىڭ سىندى قوعام قايراتكەرلەرىنىڭ ەسىمدەرى بەرىلەدى. سونىمەن قاتار، وقۋشىلار سارايى ءابۋ ناسىر ءال- ءفارابيدىڭ ەسىمىمەن اتالماق.