«2019-جىلى اقمولا وبلىسىنىڭ ارشالى اۋدانىندا «تساتەك Green Energy» ج ش س جەل ەلەكتر ستانساسىن سالۋ بويىنشا ءىرى جوبانىڭ العاشقى كەزەڭى (قۋاتى 50 مۆت) جۇزەگە اسىرادى. ەكىنشى كەزەڭدە قۋاتتىلىقتى 100 مۆت دەيىن ارتتىرۋ قاراستىرىلعان. سونىمەن بىرگە، كومپانيانىڭ ءۇشىنشى كەزەڭدە قۋاتتىلىقتى ەكى ەسەگە ارتتىرۋ جوسپارىندا بار»، - دەپ جازدى اقمولا وبلىسى اكىمىنىڭ ورىنباسارى مارات يعاليەۆ ءوزىنىڭ Іnstagram پاراقشاسىندا.
سونىمەن بىرگە، ونىڭ ايتۋىنشا، 2020-جىلى تسەلينوگراد اۋدانىندا «KB Enterprises» ج ش س (قۋاتى 100 مۆت) كۇن ەلەكتر ستانساسىن ىسكە قوسۋدى جوسپارلاپ وتىر. جوباعا قۇيىلاتىن ينۆەستيتسيا كولەمى 53,3 ميلليارد تەڭگە جانە ول شەتەلدىك كاپيتالدىڭ قاتىسۋىمەن جۇزەگە اسىرىلادى. بۇگىنگى كۇنى اۋماعى 300 گەكتار جەر تەلىمى ءبولىنىپ، جوبالىق-زەرتتەۋ جۇمىستارى جۇرگىزىلۋدە.