اتالمىش زاۋىت ق ر يندۋستريالىق-يننوۆاتسيالىق دامۋىنىڭ 2015-2019-جىلدارعا ارنالعان مەملەكەتتىك باعدارلاماسى اياسىندا «Ekojer» جاۋاپكەرشىلىگى شەكتەۋلى سەرىكتەستىگىنە امەريكالىق تەحنولوگيا نەگىزىندە بوي كوتەرمەك.
جوبا قۇنى 17,0 ميلليارد تەڭگەنى قۇراپ وتىر. قۇرىلىس كەزىندە 120 قىزمەتكەر، ناقتى ىسكە قوسىلعاندا 150 جۇمىس ورنى اشىلادى دەپ كۇتىلۋدە.
«بۇگىنگى كۇنى الدىن الا بيزنەس-جوسپار جاسالىپ، 20 گەكتار جەر ۋچاسكەسى ءبولىندى. 2019-جىلدىڭ 1- تامىزىندا «TorgTreid KZ» كومپانياسى مەن «Ekojer» ج ش س اراسىندا تاراز قالاسىندا قوقىستى قايتا وڭدەۋ زاۋىتىن سالۋ جونىندەگى بىرلەسكەن قىزمەت تۋرالى كەلىسىمگە قول قويىلىپ، قازاقستان رەسپۋبليكاسى ۇلتتىق بانكپەن قارجىلىق ماسەلەلەرى قارالۋدا»، - دەيدى وبلىستىق تابيعي رەسۋرستار جانە تابيعات پايدالانۋدى رەتتەۋ باسقارما باسشىسىنىڭ مىندەتىن اتقارۋشى ايبار ءادىلباقوۆ.