الايدا سۇيىكتى جۇمىسى وزىنە قىزمەت ەتۋىن قالايتىندارعا قاراعاندا اقشا تابۋ ءۇشىن عانا جۇمىس ىستەيتىندەر جەتەرلىك. سول سەبەپتى جۇمىسقا تۇرۋعا بارعاندا العاشقى سۇراقتارىنىڭ ءبىرى الاتىن جالاقىسى تۋرالى بولادى. بۇل قىلىق بولاشاق باستىعىڭىزعا ۇناماي، ءسىزدى جۇمىسقا قابىلداۋدان باس تارتۋىنا سەبەپ بولۋى دا ابدەن مۇمكىن.
جالاقى تۋرالى كىم جانە قاشان سۇراۋى ءتيىس
جۇمىسقا قابىلداۋشى ءوزى ايتپاسا، جالاقى تۋرالى جاق اشپاڭىز، ول مىندەتتى تۇردە بۇل تاقىرىپقا ورالادى، وعان كۇمانىڭىز بولماسىن. باستىسى اسىقپاي- ساسپاي، شىدامدىلىق تانىتىپ، اڭدىسىن اڭدىڭىز.
باعا تۋرالى
«ءسىز قانشا بەرە الاسىز؟ » دەگەن سۇراقتى ەشقاشان قويماڭىز. بۇل ءسىزدىڭ تاراپىڭىزدان كەتكەن كەمشىلىك بوپ ەسەپتەلەدى. جۇمىس بەرۋشى ءسىزدى ساۋدالاسقالى وتىر دەپ ويلاۋى دا مۇمكىن.
جۇمىسىڭىزدى باعالاڭىز
الدىن الا سۇحباتتاسۋعا كەلەر كەزدە گۋگلدى اقتارىپ، ءسىزدىڭ دەڭگەيىڭىزدەگى ماماندىق قالاي باعالاناتىنىن، ءسىز سەكىلدى قىزمەتكەرلەر ورتا ەسەپپەن قانشا جالاقى الاتىنىن ءبىلىپ الىڭىز.
تازا اقى
كەي مەكەمەلەر جەكە كاسىپكەرلەرگە ءتيىستى بولسا، ولار ۇكىمەتكە ەشقانداي سالىق تولەمەيتىن، زاڭسىز جۇمىس ىستەيتىن ادامدار بولۋى دا عاجاپ ەمەس. الدىن الا بۇل ماسەلەنىڭ دە انىق- قانىعىنا كوز جەتكىزىپ العان ارتىق بولمايدى.
بارلىق ۇساق- تۇيەكتى تالقىلاڭىز
ۇسىنىلعان جالاقى ءۇشىن قانداي ءىس تىندىرا الاتىنىڭىزدى، قانداي ماقساتقا جەتۋىڭىز كەرەك ەكەنىن اقىلداسىپ الىڭىز. قىزىقتى
Massaget.kz