بۇل تۋرالى ولىستىق «رۋحاني جاڭعىرۋ» جوبالىق كەڭسەسى وكىلدەرى حابارلادى.
اتاپ ايتساق، تىزىمگە ساكەن ءجۇنىسوۆتىڭ «اقان سەرى»، تولەگەن قاجىباي «ايبوزىم»، ءسابيت مۇقانوۆ «بالۋان شولاق»، ەستاي مىرزاحمەتوۆ «مەدەت»، ءىلياس ەسەنبەرلين «قاھار»، كاكىمبەك سالىقوۆ «ۇكىلى ىبىراي»، مالىك عابدۋلليننىڭ ەپيستوليارلىق الەمى، ەرىك اسقاروۆ «ارمانىمنىڭ اق قۇسى»، شوقان ءۋاليحانوۆتىڭ «ەرتەگىلەر» اتتى شىعارمالارى ەندى.
«اقىلداستار القاسىنىڭ قاتارىنا قۋانىش وسپان، گۇلناز بوكەن، مۇحامەد قوڭقايەۆ، سارسەنباي حاسەنوۆ، مەرگەن توقسانباي، باقىتبەك بەكمۇرات، تابىسبەك ۇسەن، نۇربولات المەنوۆ، تالاپكەر ۋاليەۆ، حاكىم حاسامباي، قايرات سەيتقازين ەنگەن بولاتىن. وسى اقىلداستار القاسىنىڭ شەشىمىمەن اۋديوكىتاپ بولىپ جازىلاتىن شىعارمالاردىڭ ءتىزىمى بەكىتىلدى»، - دەيدى وڭىرلىك «رۋحاني جاڭعىرۋ» جوبالىق كەڭسەسى ماماندارى.
«مۇنداي جوبا اقمولا وبلىسىندا العاش رەت قولعا الىنىپ وتىر. باستى ەرەكشەلىك - قالامگەر شىعارماسىنداعى ءار كەيىپكەر جەكە-جەكە دىبىستالىپ، كاسىبي ماماندار جۇمىلدىرىلماق. اۋديوكىتاپتاردىڭ ساپاسىنا باسا ءمان بەرىلەدى»، - دەيدى جوبانى ۇيىمداستىرۋشىلار.
كىتاپتتاردىڭ اۋديو نۇسقاسى «ZhاkonDRA Films» ستۋدياسىندا جازىلادى. جاقىن ارادا ءبىرىنشى اۋديوكىتاپتىڭ تۇساۋى كەسىلمەك.
Massaget.kz