قاراعاندى قالاسى قازىبەك ءبي اۋداندىق 1№ سوتىنىڭ سۋدياسى مانات جۇماقايەۆا ۇكىمدى جاريا ەتتى.
«سوت ۇكىم شىعاردى: سوتتالۋشى احمەتوۆ سەرىك نىعمەت ۇلىنىڭ ءوتىنىشى قاناعاتتاندىرىلمايدى»، - دەدى مانات جۇماقايەۆا.
بۇرىنعى پرەمەر-ءمينيستردىڭ ادۆوكاتى نيكولاي لەسنيكتىڭ حابارلاۋىنشا، «جازانى وتەۋدەن شارتتى تۇردە مەرزىمىنەن بۇرىن بوساتۋدىڭ سوت تاجىريبەسى تۋرالى...» جوعارعى سوتتىڭ نورماتيۆتىك قاۋلىسىندا سەرىك احمەتوۆكە قاتىستى شارا قولدانۋدىڭ ەكى شارتى بار.
«بۇل وتەلمەگەن زالالدىڭ جانە جازانى وتەۋ ءتارتىبىن قاساقانا بۇزۋدىڭ بولماۋى. سەرىك احمەتوۆ قانداي دا ءبىر بۇزۋشىلىقتارعا جول بەرگەن جوق، پروباتسيا قىزمەتىنىڭ تالاپتارىن بۇزباعان، سوت تالاپتارىن بۇزباعان. بۇل ەكى شارتتى ءسوزسىز ساقتاعان»، - دەدى ول.
ايتا كەتەيىك، بۇگىن قاراعاندى اۋداندىق سوتىندا سەرىك احمەتوۆتى مەرزىمىنەن بۇرىن شارتتى تۇردە بوساتۋ تۋرالى تىڭدالىم ءوتتى. ول ەكى كۇن بۇرىن ءوتىنىش تاستاعان، ال پروكۋراتۋرا وعان قارسىلىق تانىتتى.