ۇيىمداستىرۋشىلاردىڭ ايتۋىنشا، العاش قىركۇيەك ايىنىڭ اياعىندا استانالىق 80 نەن استام ءبىلىم بەرۋ ۇيىمدارىنىڭ قاتىسۋىمەن، ەلوردالىق اكەلەردىڭ ىسكەرلىك كەزدەسۋى وتكىزىلدى. كەزدەسۋ بارىسىندا استانالىق اكەلەر اكتيۆى 2019-2020 وقۋ جىلىنىڭ ءبىرىنشى جارتىجىلدىعىنا ارنالعان ءىس- شارالار جوسپارىن بەكىتتى.
«بۇگىن اكەلەردىڭ ەكىنشى كەزدەسۋى، ياعني كەڭەيتىلگەن العاشقى كەڭەس وتۋدە. بۇل شاراعا وسكەلەڭ ۇرپاققا ۇلگى بولاتىن، الەۋمەتتىك قيىن جاعدايلاردا نەمەسە ەرەكشە كۇتىمدى تالاپ ەتەتىن بالالاردى ءوسىرىپ وتىرعان اكەلەر قاتىسۋدا. كەزدەسۋگە كەلگەن ءاربىر اكە جينالعاندارمەن ءوز كوزقاراسى، ومىرلىك ۇستانىمىمەن قاتار تاجىريبەسىمەن بولىسۋدە»، - دەدى ەلورداداعى م. وتەمىس ۇلى اتىنداعى وقۋشىلار سارايىنىڭ ديرەكتورى ۆاديم موتورين.
ونىڭ ايتۋىنشا، كەڭەسكە اكەلەرمەن قوسا بالالارى دا قاتىسىپ جاتىر.
«اكەلەر كەڭەسىن وتكىزۋدەگى ماقسات - «اكە مەن بالا» اراسىنداعى قارىم- قاتىناستى نىعايتۋ جانە بالا تاربيەسىندەگى اكە ءرولىنىڭ ماڭىزدىلىعىن ايقىنداۋ. سول سياقتى بالا ءۇشىن ءقاۋىپسىز ورتانى قۇرۋ جانە قولداۋ. سونىمەن قاتار وتباسىلىق قۇندىلىقتاردى ساقتاۋ جانە نىعايتۋعا باعىتتالادى»، - دەدى ول.
اۆتور: ءالي يبرايەۆ