ق ر شاحمات فەدەراتسياسىنان ءمالىم ەتكەندەي، جارىسقا الەمنىڭ 40 تان استام ەلىنەن 150 مىقتى شاحماتشى قاتىستى. تۋرنيردىڭ دەڭگەيىن ماگنۋس كارلسەن، فابيانو كارۋانا، ليەۆون ارونيان جانە الەمگە بەلگىلى وزگە دە شاحماتشىلاردىڭ قاتىسۋىنان- اق بىلۋگە بولادى. قاتىسۋشىلاردىڭ ورتاشا رەيتينگى 2605 ءتى قۇرادى.
قازاقستاندىق شاحماتشى دينارا ءسادۋاقاسوۆا ءساتتى ونەر كورسەتە بىلگەن. ول ايەلدەر اراسىندا ءۇندى سپورتشىسى حاريكا دروناۆالليمەن 1 - جانە 2- ورىنداردى ءبولىستى.
«بۇل ءوزىمدى كورسەتۋگە تاماشا مۇمكىندىك بولدى. كۇن سايىن مىقتى ويىنشىلارمەن وينايسىڭ. بار كۇشىمدى سالدىم. بۇعان ۇلكەن قوبالجۋدى قوسىڭىز. نە دەگەنمەن - ۇلكەن ديستانتسيا عوي. مەنىڭ بارلىق قارسىلاستارىم الەمدىك شاحمات ەليتاسى - «التى جۇزدىكتەر» توبىنداعى گروسسمەيستەرلەر. بۇل قۇرام مەنى ۇرەيلەندىرگەن جوق، كەرىسىنشە، ءوزىمدى تەكسەرۋگە قۇلشىنىس تۋدىردى» ، - دەدى دينارا.
Grand Swiss تۋرنيرىنەن كەيىن د. ءسادۋاقاسوۆانىڭ رەيتينگى 2505 بولدى. ەندى ول الەمنىڭ ەڭ مىقتى شاحماتشىلارى اراسىندا 11- ورىندا تۇر. بۇل - قازاقستاندىق ايەلدەر شاحماتى ءۇشىن رەكورد.