قازاقستاننىڭ وڭتۇستىك وبلىستارىندا انتيتسيكلوننىڭ ىقپالىنان ازداعان بۇلتتى جانە جاۋىن-شاشىنسىز اۋا رايى ساقتالادى.
الداعى ءۇش تاۋلىكتە رەسپۋبليكانىڭ سولتۇستىك جانە شىعىس وبلىستارىندا اتموسفەرالىق فرونتتار اسەرىنەن جاۋىن-شاشىن، تۇمان جانە كوكتايعاق بولادى. باتىس جەلى كۇشەيىپ، بۇرقاسىن دا بولۋى مۇمكىن.
ال تروپوسفەرادا باتىس اعىندارىمەن اتلانتيكادان جىلى جانە ىلعالدى اۋا كەلەدى. سونىڭ اسەرىنەن قازاقستاننىڭ بارلىق اۋماعىندا اۋا تەمپەراتۋراسى كوتەرىلەدى. اۋا رايى وسى كەزەڭ ءۇشىن ادەتتەگى تەمپەراتۋرادان 2...5°گرادۋس جوعارى بولادى.