بۇل جونىندە اۋىل شارۋاشىلىعى مينيسترلىگىنىڭ رەسمي سايتىنا سىلتەمە جاساپ قازاقپارات حابارلايدى.
«بۇل - قازاقستان رەسپۋبليكاسىنىڭ بارلىق ۆەتەرينارلىق قىزمەتىنىڭ، ونىڭ ىشىندە اۋىل شارۋاشىلىعى مينيسترلىگىنىڭ، ۆەتەرينارلىق باقىلاۋ جانە قاداعالاۋ كوميتەتىنىڭ، قازاق ۆەتەريناريا عىلىمي-زەرتتەۋ ينستيتۋتى ۇجىمدارىنىڭ ۇلكەن ەڭبەگى. قۇس شارۋاشىلىعى سالاسى قازاقستاننىڭ اگروونەركاسىپ كەشەنىنىڭ ماڭىزدى قۇرامداس بولىگى، ونىڭ نەگىزگى باعىتتارى — جۇمىرتقا جانە ەت ونىمدەرى» دەلىنگەن حابارلامادا.
قۇس تۇماۋىنان تازا ەل مارتەبەسى ەلىمىزدىڭ اگروونەركاسىپ كەشەنىنىڭ ەكسپورتتىق الەۋەتىن ىسكە اسىرۋعا ۇلكەن مۇمكىندىك بەرەدى جانە قازاقستاننىڭ ەكونوميكالىق دامۋى مەن يميدجىنە وڭ اسەرىن تيگىزەتىنى انىق.
«مۇنى مەملەكەت باسشىسىنىڭ جاڭا نارىقتاردى اشۋ تۋرالى تاپسىرماسىن ورىنداۋ ماقساتىندا اتقارىلعان جۇمىستاردىڭ العاشقى كورىنىسى دەپ اتاۋعا بولادى» دەيدى مينيتسرلىكتەن.