«2019 -جىلدىڭ 10-12 - قازانىندا موڭعوليا پرەمەر- ءمينيسترى ۋحنااگين حۋرەلسۋح قازاقستانعا رەسمي ساپارمەن كەلەدى. ساپار بارىسىندا ونىڭ قازاقستان رەسپۋبليكاسىنىڭ پرەمەر- ءمينيسترى اسقار مامينمەن كەلىسسوزدەرى جوسپارلانعان. كەلىسسوزدەر بارىسىندا ساۋدا- ەكونوميكالىق، مادەني- گۋمانيتارلىق ىنتىماقتاستىق، سونداي- اق، وڭىرلىك جانە حالىقارالىق ۇيىمدار اياسىنداعى ءوزارا ءىس- قيمىل ماسەلەلەرى تالقىلانادى» ، - دەدى ەلوردادا وتكەن بريفينگتە ق ر س ءى م رەسمي وكىلى ايبەك سمادياروۆ.
ونىڭ ايتۋىنشا، ەكى ەلدىڭ ۇكىمەت باسشىلارىنىڭ قاتىسۋىمەن ءبىلىم بەرۋ، تەرروريزمگە قارسى ءىس- قيمىل، قىلمىستىق جانە ازاماتتىق ىستەر بويىنشا قۇقىقتىق كومەك سالالارىندا ەكىجاقتى ىنتىماقتاستىقتى ساپالى، جاڭا دەڭگەيگە شىعارۋعا ارنالعان ءبىرقاتار كەلىسىم مەن مەموراندۋمعا قول قويىلادى.
«ەكى ەلدىڭ ىسكەر توپتارى وكىلدەرىنىڭ قاتىسۋىمەن قازاقستان- موڭعوليا بيزنەس- فورۋمىن وتكىزۋ، «استانا» حالىقارالىق قارجى ورتالىعىنا، حالىقارالىق «جاسىل تەحنولوگيالار» ورتالىعىنا جانە ينۆەستيتسيالىق جوبالار مەن كاسىپورىندارعا بارۋ جوسپارلانعان. موڭعوليا ۇكىمەتى باسشىسىنىڭ رەسمي ساپارى ەكىجاقتى مەملەكەتارالىق قاتىناستى دامىتۋدا ماڭىزدى وقيعا بولماق» ، - دەدى ايبەك سمادياروۆ.