«ول الماتىلىق 1991 -جىلى تۋعان ايەل بولىپ شىقتى. ايەل ءوزىنىڭ شىنىمەن قوعامدا نەگىزسىز دۇربەلەڭ مەن ۇرەي تۋعىزعان اۋديو حابارلامانىڭ اۆتورى ەكەنىن مويىندادى. ول بۇل راستالماعان اقپاراتتى قۇربىسى ايتتى دەپ ءتۇسىندىردى. قازىرگى ۋاقىتتا ونىڭ ارەكەتتەرى ق ر ق ك 274-بابى 2-بولىگى بويىنشا پ د تەرگەۋ باسقارماسىندا اقپاراتتىق-كوممۋنيكاتسيالىق جۇيەلەر ارقىلى جالعان اقپارات تاراتتى دەگەن ايىپ تاعىلىپ وتىر. سوتقا دەيىنگى تەرگەۋ باستالدى»، - دەدى الماتى قالالىق پ د كريمينالدىق پوليتسياباسقارماسىنىڭ باستىعى جانبولات زيادين.
ۇستالعان ايەل ءوز كەزەگىندە، وكىنىشىن ءبىلدىرىپ، الماتىلىقتاردان كەشىرىم سۇرادى.
«مەنىڭ داۋسىممەن تاراعان حابارلاما كوپشىلىك اراسىندا ۇرەي تۋدىردى. مەن الماتى قالاسىنىڭ تۇرعىندارىنان كەشىرىم سۇرايمىن. شىنىمدى ايتسام، بۇل الەۋمەتتىك جەلىلەردە تاراپ، بۇكىل قالادا قورقىنىش تۋعىزادى دەپ كۇتكەن جوقپىن. ءوتىنىپ سۇرايمىن كەشىرىڭىزدەرشى»، - دەدى ول.
«شىندىعىندا، الەۋمەتتىك جەلى حالىقتىڭ وبەكتيۆتى جانە سەنىمدى اقپارات الۋىنا مۇمكىندىك بەرەتىن الاڭ بولۋى كەرەك. وكىنىشكە قاراي، كەيبىر ادامدار الەۋمەتتىك جەلىلەردى وزدەرىنىڭ قىلمىستىق ماقساتتارىنا جەتۋ ءۇشىن عانا قولدانادى. ال ينتەرنەت پايدالانۋشىلار شىندىق پەن وتىرىكتى اجىراتا الماي قالادى. ونىڭ راستىعىنا كوز جەتكىزبەستەن وزدەرىنىڭ تانىستارىنا جىبەرەدى. مىنە سودان كەيىن حالىق اراسىندا ۇرەي تۋىندايدى. تولقۋ باستالادى. مۇنداي ارەكەتكە بارعاندار زاڭ الدىندا جاۋاپ بەرەدى. ق ر ق ك 274-بابىنا سايكەس قىلمىستىق جاۋاپتىلىق قاراستىرىلاتىندىعىن تاعى دا ەسكە سالامىن»، - دەپ قورىتىندىلادى جانبولات زيادين.
ەستەرىڭىزگە سالا كەتەيىك، كەشە الماتى قالالىق پوليتسيا دەپارتامەنتى قالا مەن الماتى وبلىسىندا بالالاردى جاپپاي ۇرلاۋ تۋرالى حابارلامانى جوققا شىعارعان بولاتىن.
اۆتور: الما مۇقانوۆا