بۇل تۋرالى قازاقپارات ق م باسپا ءسوز قىزمەتىنە سىلتەمە جاساپ حابارلايدى.
قارۋلى كۇشتەردىڭ اسكەري قىزمەتشىلەرى ارداگەرلەر مەن زەينەتكەرلەردى قۇتتىقتادى.
الماتى قالاسىنداعى قورعانىس ىستەرى جونىندەگى دەپارتامەنتتىڭ باسشىلىعى مەن جەكە قۇرامى پاراشيۋتتى- دەسانتتىق بريگادا قۇرامىندا سوعىسقا قاتىستاقان 102 جاستاعى ارداگەر الەكساندرا كازانتسيەۆانىڭ، سونداي-اق ۇ و س- نىڭ قاتىسۋشىسى، كورنەكتى جازۋشى ءابدىجامال نۇرپەيىسوۆاعا جانە «كازاحستانسكايا پراۆدا» گازەتى اتىنداعى حالىقارالىق مايداندىق كلۋبتىڭ پرەزيدەنتى لەونيد گريشتى قۇتتىقتاپ، جاعدايلارىن سۇرادى.
اسكەري قىزمەتشىلەر ارداگەرلەرگە سىيلىقتار سىيلادى.
«ءبىز تەك قانا مەرەكە كۇندەرى عانا ەمەس، كۇندەلىكتى نەگىزدەدە اسىل قازىنالارىمىزدىڭ حال-جاعدايلارىن ءبىلىپ تۇرامىز. ءدال ارداگەرلەر مەن قارتتار بىزگە ۇلكەن ومىرگە قادام باستىرىپ، تاۋسىلماس ءبىلىم مەن تاجىريبە سيلادى. ونى ءاردايىم جادىمىزدا ساقتاۋىمىز قاجەت. ءبىز ولاردىڭ كوپ جىلدىق ەڭبەگى مەن زور قىزمەتىنە العىس ايتامىز. مىقتى دەنساۋلىق پەن ۇزاق عۇمىر تىلەيمىز»، - دەپ اتاپ ءوتتى الماتى قالاسىنداعى قورعانىس ىستەر جونىندەگى دەپارتامەنتتىڭ باستىعى پولكوۆنيك امانتاي ۇسەربايەۆ.
سونىمەن قاتار راديوەلەكترونيكا جانە بايلانىس اسكەري-ينجەنەرلىك ينستيتۋتى مەن قۇرلىق اسكەرلەرى اسكەري ينستيتۋتىنىڭ كۋرسانتتارى ۇلى وتان سوعىسىنىڭ ارداگەرلەرىن، ۆيكتور پيۋرو مەن ەليزاۆەتا فيلاتوۆانى قۇتتىقتاپ قايتتى. مايدانگەرلەر سىيلىقتار مەن قۇتتىقتاۋلارىن قابىل الىپ، بولاشاق وفيتسەرلەرمەن قۇشتارلانا اڭگىمەلەستى.
سوعىستا مەدبيكە بولعان كىشى سەرجانت ەليزاۆەتا فيلاتوۆا، ۇرىس دالاسىنداعى جاڭبىرشا جاۋعان وقتاردىڭ اراسىندا جارالى جاۋىنگەرلەردى مەديتسينالىق پۋنكتتەرگە تاسىعاندارىن، العاشقى كومەكتى قالاي جاساعاندارىن بايانداپ بەردى. اعا سەرجانت ۆيكتور پيۋرو لەنينگراد مايدانىنداعى سوعىستا ارتەللەريست بولعان.
كۋرسانتتار ءۇشىن سۇراپىل سوعىس جىلدارىندا ەرلىك كورسەتكەن اردەگەرلەر، ولارعا ءاردايم باتىلدىق، قايتپاس قايسارلىق پەن بەرىكتىكتىڭ ەرەن ۇلگىسى بولاتىنىن ماقتانىشپەن ايتادى. «قارتتار كۇنى - قارت بۋىنعا تۇسىنىستىكپەن، سىيلاستىقپەن قاراۋ كەرەك ەكەندىگىن ەسكە سالادى. ءبىز ولاردىڭ الدىندا قارىزدارمىز، الايدا اسىل قازىنالارىمىزدىڭ ومىرلەرىن نۇرعا جانە جىلۋعا تولتىرۋ ءبىزدىڭ قولىمىزدان كەلەدى. ءبىز جىلى سوزدەرمەن ولاردى قولداۋعا ءتيىسپىز»، - دەدى بولاشاق وفيتسەر.
«جاس ۇلان» رەسپۋبليكالىق مەكتەبىنىڭ تاربيەلەنۋشىلەرىدە شەت قالمادى. شىمكەنت قالاسىنداعى ۇلاندار سۇلتانبەك تورەكەلدى ارداگەردى قۇتتىقتادى. ءۇيىنىڭ اۋماعىنا سەنبىلىك ۇيىمداستىرىپ، اڭگىمە-دۇكەن قۇرىپ، دومبىرادا كۇي شەرتىپ جانە دە ولەڭدەر وقىدى.
ۇلى وتان سوعىسىنىڭ، قارۋلى كۇشتەردىڭ ارداگەرلەرى مەن زەينەتكەرلەر اسكەري قىزمەتشىلەردىڭ باقىلاۋىندا. اسىل قازىنالاردىڭ حال-جاعدايلارىن تۇراقتى تۇردە سۇراپ، قاجەتتى كومەك كورسەتىپ، كوڭىل ءبولىپ، قامقورلىق تانىتادى. ولار ءۇشىن ەڭ باستىسى - بولشاق وتان قورعاۋشى جاس بۋىندارعا اتالمىش ءداستۇردى كورسەتىپ، ۇلگى بولۋ. سول سەبەپتى وسىنداي شارالارعا اسكەري مەكتەپتىڭ تاربيەلەنۋشىلەرى مەن اسكەري ج و و- دىڭ كۋرسانتتارى تارتىلادى.