ۆيتسە- مينيستر بيىل استىق ءتۇسىمىنىڭ تومەن ەكەندىگىن ايتتى

«وتكەن جىلى جينالعان استىقتىڭ جالپى ءونىمى 20,3 ميلليون توننانى قۇراعان. بيىل 17 ميلليون توننا استىق جيناۋ جوسپارلاۋدا. ەلىمىزدە 1 - شىلدەدەن باستاپ اپتاپ ىستىق بولدى. اسىرەسە، ەڭ بيدايلى سانالاتىن قوستاناي وڭىرىندەگى 8 اۋداندا ەككەن ەگىن كۇيىپ كەتتى. ول جەرلەردە قازىرگى تاڭدا گەكتارىنا 3,4 سەنتنەر استىق جينالىپ جاتىر. وسى سەبەپتى، تومەندەۋ بولادى. ۇكىمەت تاراپىنان كورسەتىلەتىن كومەك- قولداۋلاردىڭ بارلىعى كورسەتىلدى. پروبلەما جوق. 1 - شىلدەدەن كەيىن كۇن رايىنا بايلانىستى قيىندىق تۋىنداعاننان كەيىن عانا ماسەلە شىعىپ وتىر» ، - دەدى اۋىل شارۋاشىلىعى ءبىرىنشى ۆيتسە- ءمينيسترى ايداربەك ساپاروۆ و ك ق- دا وتكەن باسپا ءسوز ءماسليحاتىندا.

ۆيتسە- مينيسترگە وسى ماسەلەگە بايلانىستى «ەلىمىزدە نان باعاسى قىمباتتاي ما؟ » دەگەن سۇراق قويىلدى. ايداربەك ساپاروۆتىڭ جاۋابىنا سۇيەنسەك، بۇل ماسەلە بويىنشا ءالى ەرتەرەك بىردەڭە دەۋ قيىن. دەسە دە، ول نان باعاسى ءسال قىمباتتاۋى مۇمكىن ەكەنىن جاسىرعان جوق.

«ەكسپورتقا قانشا مولشەردە بيدايدىڭ شىعارىلاتىنىن ازىرگە ايتۋ قيىنداۋ. مەنىڭ ويىمشا، ەكسپورتقا 6-7 توننا استىق شىعارامىز دەپ بولجام جاساۋدامىز. 17 توننا جيناساق، ءبارىبىر وتكەن جىلعىدان قاراعاندا ءتۇسىم ازىراق بولادى. ءبىراق ىشكى سۇرانىس تولىعىمەن قاناعاتتاندىرىلادى» ، - دەدى ول.