جاقىندا پولياك عالىمدارى مىسىرلىقتاردىڭ وسيرسكە سەنگەنى سونداي، ءدال مازاردىڭ ىشىنەن جەر استى الەمىنە الىپ باراتىن تۋننەلدەر قازعانىن دالەلدەدى. ءدال سونداي جولدار پەرعاۋىن دجوسەر پيراميداسىنىڭ ماڭىنان تابىلدى. جول تارام- تارام بولىنگەن بولمەلەر مەن تۋننەلدەردەن تۇرادى. بولمەلەردىڭ بىرىنەن ەجەلگى مىسىرلىقتاردىڭ ايتۋى بويىنشا ولگەندەردى قۇبىجىقتاردان قورعاۋعا بولاتىن قارۋ تابىلعان. ارحەولوگيالىق قازبالار مىسىردىڭ ساككارا ەلدى مەكەنىنىڭ اۋماعىنداعى ەڭ العاشقى پيراميدالاردىڭ ءبىرى - پەرعاۋىن دجوسەر پيراميداسىندا جۇرگىزىلگەن. ول ءبىزدىڭ زامانىمىزعا دەيىنگى 2650 -جىلى سالىنعان التى تاس باسپالداقتان تۇرادى. ۇزىندىعى مەن ەنى 129 × 115 مەتر، بيىكتىگى 62 مەتر. قازبا جۇمىستارى جۇرگىزىلىپ جاتقان ورىن.
مىسىرلىقتار ءولىمدى قالاي ەلەستەتتى؟ پيراميدانىڭ سولتۇستىگىندە پەرعاۋىننىڭ قىزمەتشىلەرى وعان ارناپ 10,5 مەترلىك قابىرعا مەن ونى قورشاپ تۇراتىن تەرەڭ ارىعى بار عيباداتحانا تۇرعىزعان. ارحەولوگتار جەرلەۋ ورنىنان پەرعاۋىن پيراميداسىنا اپاراتىن بىرنەشە ۇزىن تۋننەل تاپقان. ولاردىڭ ءبىرى باسقالاردان مۇلدەم وزگەشە - ول كىشكەنە بولمەگە اپارادى. ال بولمەدەن جىلانداردىڭ سۋرەتتەرىمەن بەزەندىرىلگەن نايزا تابىلعان.
قازبا جۇمىستارىنىڭ باسشىسى كاميلا كۋراشكيەۆيچتىڭ ايتۋىنشا، بۇل ەجەلگى ارتەفاكت پەرعاۋىننىڭ كۇتكەن سىناقتارىنىڭ ءبىرى جانە ونىڭ قۇبىجىقتارعا قارسى قارۋى بولۋى مۇمكىن. دجوسەر قايتىس بولعانعا دەيىن، ادام جانىن قورعايتىن سيقىرلى دۇعالاردى ۇيرەنگەن. اڭىز بويىنشا، اتالعان دۇعا و دۇنيەگە اتتانىپ بارا جاتقانداردىڭ بارلىق سىناقتان وتۋىنە كومەكتەسەدى ەكەن. قورىمنىڭ اينالاسىنداعى قۇرعاپ قالعان ارىقتار جەر استى الەمىنە اپاراتىن جولدىڭ بەلگىسى سانالعان. ونى ارحەولوگتار XX عاسىردىڭ باسىندا زەرتتەگەن: قابىرعالاردان باسپالداقتار مەن بىرنەشە جىرالار تابىلعان، بۇل نەنىڭ بەلگىسى ەكەندىگى ءالى كۇنگە دەيىن قۇپيا بولىپ كەلەدى. ارحەولوگتار ونى باسقا الەمگە اپاراتىن جولدىڭ ۇلگىسى جانە قاۋىپ- قاتەرگە تولى بولعانىنا سەنىمدى. ەڭ العاشقى پيراميدالاردىڭ ءبىرى - دجوسەر پيراميداسى.
دجوسەر پيراميداسىنىڭ قۇپياسى دجوسەردى جەرلەۋ ءراسىمى مەن قورىمى ءالى كۇنگە دەيىن اشىلماعان جۇمباقتاردىڭ ءبىرى. نايزا تابىلعان بولمەدەن 20 مەتر قاشىقتىقتان تاعى ءبىر جەر استى جولى تابىلعان. ءبىراق ول جولدىڭ قۇپياسىن اشۋ ازىرگە مۇمكىن بولماي تۇر. سەبەبى جولدىڭ ەسىگى ۇلكەن تاسپەن جابىلعان. عالىمدار قۇيا جولدى زەرتتەۋ ءۇشىن ۇلكەن تاستى اينالىپ ءوتۋ شارالارىن قاراستىرىپ جاتىر. جاقىن كۇندەرى اشىلماعان ەسىكتىڭ قۇپياسىن ءبىلىپ قالۋىمىز دا عاجاپ ەمەس. مىسىردان كەدەي ادامداردىڭ مۋميالارى تابىلدى ارحەولوگتار جۇمباق جەر استى جولىنان بولەك، دجوسەر پيراميداسىنىڭ اۋماعىندا ساقتالعان ونشاقتى مۋميانى تاپتى. عالىمدار ولاردىڭ قورقىنىشتى جاعدايىنا جانە قازىلعان شۇڭقىرعا كومىلۋىنە قاراي «اۋقاتتى ادامدار ەمەس» دەگەن قورىتىندىعا كەلگەن. ولگەندەردىڭ كەيبىرەۋلەرى يەروگليفتەرى بار اعاش ساركوفاگتارىندا ساقتالعان. ال يەروگليفتەردى ءالى ەشكىم وقي الماعان.
Massaget.kz