«ب ۇ ۇ باس اسسامبلەياسىنىڭ بازاسىندا مەديتسينالىق قىزمەتتەردىڭ جالپى قامتىلۋىنا ارنالعان جيىن ءوتىپ جاتىر. بۇل مەملەكەت باسشىلارى، ۇكىمەت جانە سىرتقى ىستەر مينيسترلەرى دەڭگەيىندەگى جوعارى كەزدەسۋ. ونىڭ نەگىزگى ماقساتى - الەمدەگى بارلىق تۇرعىنداردى قولجەتىمدى ءارى ساپالى مەديتسينالىق قىزمەتپەن قامتاماسىز ەتۋ. بۇگىن جالپى حالىقتى قامتيتىن دەنساۋلىق ساقتاۋ قىزمەتتەرى تۋرالى دەكلاراتسيا قابىلداندى. وسى دەكلاراتسيادا العاشقى مەديتسينالىق كومەك كورسەتۋ ماڭىزدى تارماقتاردىڭ ءبىرى رەتىندە كورسەتىلدى» - دەدى ەلجان ءبىرتانوۆ نيۋ-يوركتە ب ۇ ۇ باس اسسامبلەياسىنىڭ 74- سەسسياسى الدىندا قازاقستاندىق جۋرناليستەرگە.
«اتالعان قۇجاتتا مەديتسينالىق- سانيتارلىق العاشقى كومەك بويىنشا استانا دەكلاراتسياسىنا تىكەلەي سىلتەمە جانە ونى ەنگىزۋ بويىنشا باسقا ەلدەرگە ۇسىنىستار بار. ءبىز مۇنى قازاقستان ءۇشىن ۇلكەن جەتىستىككە باعالايمىز. ونىڭ ۇستىنە بۇگىن مەديتسينالىق-سانيتارلىق العاشقى كومەكتى ىلگەرلەتۋ بويىنشا قازاقستان مەن ا ق ش ۇكىمەتتەرى بىرلەسكەن جەكەلەگەن كەزدەسۋلەر مەن جيىندار وتكىزىلەدى. اتالعان جيىنعا دەنساۋلىق ساقتاۋ سالاسىنداعى بەلدى ۇيىمدار، UNICEF، دۇنيەجۇزىلىك بانك وكىلدەرى قاتىسادى»، - دەپ تولىقتىردى ول.
مينيستر مەديتسينالىق- سانيتارلىق العاشقى كومەك كورسەتۋدە حالىقارالىق تاجىريبەمەن الماسۋ ماڭىزدى ەكەندىگىن اتاپ ءوتتى.
ەسكە سالساق، مەملەكەت باسشىسى قاسىم-جومارت توقايەۆ امەريكا قۇراما شتاتتارىندا جۇمىس ساپارىمەن ءجۇر.
اۋدارما: گۇلسايا جاقان