وقيعا ورنىنان «EPSON» ماركالى ءتۇرلى-ءتۇستى كوشىرۋ اپپاراتى، قاعاز كەسۋگە ارنالعان ستانوك، لاكتار، بوياۋلار، سيالار جانە اقشا كۋپيۋرالارىنىڭ ۇلگىلەرى تاركىلەندى.
«8- قىركۇيەك كۇنى الماتى وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرىمەن جەدەل-ىزدەستىرۋ ءىس-شارالارىن جۇرگىزۋ بارىسىندا تالعار قالاسىندا 10000 تەڭگە جانە 5000 تەڭگە نومينالدىق جالعان اقشا كۋپيۋرالارىن دايىندايتىن جاسىرىن سەحتى ۇيىمداستىرعان 1989-جىلى تۋعان قازاقستان رەسپۋبليكاسىنىڭ ازاماتى ۇستالدى. اتالعان فاكتى بويىنشا قىلمىستىق كودەكستىڭ 231-بابى 1-بولىگى (ۇلتتىق بانكتىڭ جالعان بانكنوتتارىن وتكىزۋ ماقساتىندا دايىنداۋ جانە ساقتاۋ) بويىنشا قىلمىستىق ءىسى قوزعالدى»، - دەدى اتالعان ۆەدومستۆونىڭ باسپا ءسوز قىزمەتىنىڭ وكىلى اعا تەرگەۋشى يدريسوۆا اينۇر بولات قىزى.
ۆەدومستۆونىڭ مالىمەتىنشە، الماتى وبلىسىنىڭ ساۋدا ورىندارىندا وسى جالعان اقشا قاراجاتىن وتكىزۋ فاكتىلەرى انىقتالدى. تەرگەۋ جالعاسۋدا.