مالىمەتكە ساي، بۇل ءتاسىل ءتۇرلى حيميالىق زاتتار قوسىلعان سۋدى دا ىشۋگە جارامدى ەتەدى. بۇل جەلى 100 ليتر لاي سۋدى 25 مينۋتتا تازارتىپ شىعارادى.
ينجەنەر ۆارۆارا رۋبە وعان ارنايى رەاكتيۆ قوسىپ، لاي سۋدى تۇندىرعان.
«تەحنولوگيالىق جەلى ەرىگەن حيميالىق قوسپالاردى كەتىرەدى. ال، سۋدىڭ ساپاسى جوعالمايدى. ناتيجەسىندە وسىنداي تازا سۋ شىعادى. مىنە، ءتۇسى دە وزگەرگەن. تاپ - تازا. ەندى ونى پايدالانۋعا بولادى»، - دەيدى ول.
ەكولوگيالىق جوبانى ماناش قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ قىزمەتكەرلەرى جۇزەگە اسىردى. ولار «عىلىم قورىنان» 143 ميلليون تەڭگە ۇتىپ الدى.
«اتالمىش ۋنيۆەرسيتەتتىڭ عالىمدارى ءوز لابوراتوريالارىندا سۋدىڭ قۇرامىن زەرتتەپ، انىقتاپ، جاڭا تەحنولوگيالار ارقىلى تازارتۋعا بولاتىنىن دالەلدەپ، عىلىمي-زەرتتەۋ جۇمىستارىنىڭ ەسەبىن جاساعاننان كەيىن بىزدەن وسىنداي قارجىلاندىرۋعا يە بولىپ وتىر»، - دەيدى ق ر ب ع م «عىلىم قورى» ا ق جوبالاۋ ديرەكتسياسى ديرەكتورىنىڭ م. ا. نۇرتاس الىشەر.
عالىمداردىڭ ايتۋىنشا، قازاقستاندا وندىرىستىك سۋلار سيرەك تازارتىلادى. كوبىنە حيميالىق زاتتارمەن بىرگە وزەندەرگە اعىپ كەتەدى. سوندىقتان بۇل جوبانىڭ ماڭىزى ايتپاسا دا تۇسىنىكتى.