مەملەكەتتىك قىزمەت ىستەرى اگەنتتىگىنىڭ اقتوبە وبلىستىق دەپارتامەنتى سارسەنبى كۇنى قالالىق اكىمدىكتە جيىن وتكىزدى. ادەپ كەڭەسى قالالىق تۇرعىن ءۇي- كوممۋنالدىق شارۋاشىلىق ءبولىمى باسشىسىنىڭ مىندەتىن اتقارۋشى جاندوس وتەۋليننىڭ ماسەلەسىن قارادى. ول تۇرعىننىڭ ساۋالىنا جاۋاپ بەرۋدى بوس ۋاقىت وتكىزۋ دەپ بىلگەن.
«ازامات ت. ەسداۋلەتوۆ وسى جىلدىڭ 4 جانە 15 -شىلدەسى كۇندەرى تۇڭعىش پرەزيدەنت اتىنداعى ساياباقتى كۇتىپ ۇستاۋعا جۇمسالاتىن قارجى مەن ساياباقتان بيۋدجەتكە تۇسەتىن اقشا تۋرالى اقپارات سۇراعان. ول 2013-2019 -جىلدارى ارالىعىنداعى مالىمەتتى بىلمەك بولعان. ءبىراق ءبولىم باسشىلىعى ناقتى اقپارات بەرۋدەن باس تارتقان»، - دەدى مەملەكەتتىك قىزمەت ىستەرى اگەنتتىگى وبلىستىق دەپارتامەنتىنىڭ باس مامانى ق. اقيەۆ.
قالالىق تۇرعىن ءۇي-كوممۋنالدىق شارۋاشىلىق ءبولىمى باسشىسىنىڭ مىندەتىن اتقارۋشى جاندوس وتەۋلين ءوز كىناسىن مويىندادى.
«اقتوبەلىك تۇرعىن ءوز سۇراعىنا جاۋاپتى الدى. ءبىراق العاشقىسىندا جاۋاپ بەرىلمەدى، كىنامدى مويىندايمىن. سۇراعان ءار ادامنىڭ بارىنە جاۋاپ بەرۋگە مىندەتتى ەمەسپىز دەپ ويلادىم»، - دەدى ج. وتەۋلين.
ادەپ كەڭەسى وعان قىزمەتىنە ساي ەمەستىگى تۋرالى ەسكەرتۋ بەردى.
اۆتور: التىناي ساعىندىقوۆا