بۇل تۋرالى ق ر پرەمەر-ءمينيسترىنىڭ ورىنباسارى جەڭىس قاسىمبەك ايتتى، دەپ حابارلايدى قازاقپارات ءتىلشىسى.
«اۆتوجول سالاسىندا قازىرگى ۋاقىتتا «نۇرلى جول» مەملەكەتتىك باعدارلاماسىن 2025 -جىلعا دەيىن ۇزارتۋ جۇمىستارى اياقتالۋدا. باعدارلاما اياسىندا ەلدىڭ ءبىرىڭعاي كولىك جۇيەسى قالىپتاسادى»، - دەدى ول بۇگىن مەملەكەت باسشىسىنىڭ قازاقستان حالقىنا جولداۋىن تالقىلاۋعا ارنالعان ۇكىمەت وتىرىسىندا.
ونىڭ اتاپ وتۋىنشە، ءوڭىرارالىق ينفراقۇرىلىمدى جۇيەلى دامىتۋ ءۇشىن جەرگىلىكتى جەرلەردەگى اۆتوجولداردى قارجىلاندىرۋعا جىل سايىن پاريتەتتىك نەگىزدە 200 ميلليارد تەڭگە بولىنەدى.
«بۇل جەرگىلىكتى اۆتوموبيل جولدارىنىڭ جاي-كۇيىنىڭ جاقسى جانە قاناعاتتانارلىق جاعدايىن 2025 -جىلعا قاراي 68 پايىزدان 95 پايىزعا دەيىن جەتكىزىپ، جىل سايىن 5 مىڭ شاقىرىمنان استام جولدى جوندەۋ جۇمىستارىمەن قامتۋعا مۇمكىندىك بەرەدى»، - دەدى جەڭىس قاسىمبەك.