وقىس وقيعا الماتىداعى №7 -قالالىق كلينيكالىق اۋرۋحانانىڭ جانساقتاۋ بولىمشەسىندە بولدى.
«ناۋقاستىڭ تۋىستارى مەديتسينالىق پەرسونالعا شابۋىل جاسادى. ولاردى جاقىندارى جاتقان رەانيماتسيا بولىمشەسىنە كىرگىزبەگەنى ءۇشىن ۇرىپ-سوققان. دارىگەرلەر ناۋقاستىڭ جاعدايىنا بايلانىستى رەانيماتسيا بولىمىندە بولۋىن تاعى ءبىر كۇنگە ۇزارتقان. دارىگەرلەر مۇنداي شەشىمدى ناۋقاستىڭ جاعدايىن تۇراقتاندىرۋ ءۇشىن جاساعان»، - دەلىنگەن مەديتسينالىق مەكەمەنىڭ Facebook-تەگى پاراقشاسىندا.
مەديتسينا قىزمەتكەرلەرىنىڭ، بۇل شەشىمى ناۋقاستىڭ تۋىستارىنىڭ كوڭىلىنەن شىقپاعان. ولار ءتىپتى، «اكەلەرى قايتىس بولدى» دەپ كۇدىكتەنگەن. ال، دارىگەرلەر مۇنى جاسىرىپ تۇر دەپ ويلاعان. ولاردىڭ بىرەۋى كەزەكشىلىكتە وتىرعان مەدبيكەنىڭ كەۋدەسىن تەمىر بالداقپەن بىرنەشە رەت ۇرعان. ءدال سول قۇرالمەن باس مەيىربيكەگەدە شابۋىل جاساعان.
اشۋعا بوي الدىرعان ناۋقاستىڭ قالعان تۋىستارى، مەديتسينالىق قىزمەتكەرلەردىڭ قارسىلىعىنا قاراماستان، جانساقتاۋ بولىمشەسىنە باسا-كوكتەپ كىرگەن. وسىلايشا اۋرۋحانانىڭ ىشكى ءتارتىبىن بۇزعان.
دورەكىلىك كورسەتىپ، ادەپسىز سوزدەر ايتىپ قورقىتقان.
سوققى الىپ پەن پسيحولوگيالىق كۇيزەلىستى باستان كەشىرگەن مەديتسينا قىزمەتكەرلەرى سوتقا جۇگىندى. پوليتسيا بۇل فاكتىنى راستادى.
«قازىرگى ۋاقىتتا بۇل فاكتى ناۋرىزباي اۋداندىق پوليتسيا بولىمىندە تەرگەلىپ جاتىر. ىشكى ىستەر بولىمىنە ەكى مەديتسينالىق قىزمەتكەردىڭ ارىزى جولداندى. سوت وتىرىسى بارىسىندا دارىگەرلەر العان دەنە جاراقاتتارىنىڭ اۋىرلىعىن انىقتاۋ ءۇشىن سوت- مەديتسينالىق ساراپتاما تاعايىندالدى. ناتيجەسىندە بۇل فاكت بويىنشا تۇپكىلىكتى شەشىم قابىلداناتىن بولادى»، - دەپ حابارلادى الماتى قالالىق پ د.
اۆتور: الما مۇقانوۆا