قازاقستاننىڭ قىتايداعى ەلشىلىگى اقجارقىن تۇرلىبايعا قاتىستى مالىمەت بەردى

نۇر-سۇلتان. قازاقپارات - ەلشىلىك قىزمەتكەرلەرى قازاقستاندىق قىزعا اقشالاي كومەك كورسەتىپ تۇرادى.

قازاقستاننىڭ سىرتقى ىستەر مينيسترلىگى قىتايدا جازاسىنوتەپ جاتقان اقجارقىن تۇرلىبايدىڭ قازىرگى جاعدايى تۋرالى ايتتى، دەپ حابارلايدىSputnik قازاقستان ءتىلشىسى.

وسىدان بەس جىل بۇرىن ۇستالعان قازاقستان ازاماتى قازىرقىتايدىڭ گۋاڭجوۋ قالاسىنداعى تۇزەتۋ مەكەمەسىندە قاماۋدا وتىر.

قازاقستاننىڭ قىتايداعى ەلشىلىگىنىڭ مالىمەتىنەسۇيەنسەك، تۇرلىباي قاسىنداعى سوتتالعاندارعا اعىلشىن ءتىلىن ۇيرەتىپ ءجۇر.

«كوركەم ادەبيەتتەردى وقيدى. دەنە شىنىقتىرۋمەن اينالىسادى. قىتايءتىلىن جاقسى مەڭگەرىپ العان. تۇزەتۋ مەكەمەسىندەگى جاعدايعا قاتىستى شاعىمى جوق»،- دەلىنگەن سىرتقى ىستەر مينيسترلىگىنىڭ رەسمي جاۋابىندا.

قازاقستاننىڭ قىتايداعى ەلشىلىگىنىڭ قىزمەتكەرلەرى گۋاڭجوۋداعىتۇرمەگە بارىپ، تۇرلىبايدىڭ قال-جاعدايىن ءبىلىپ تۇرادى ەكەن. بۇعان قوسا، اقشالايكومەك كورسەتىپ، سۇراعان كىتاپتارىن تاۋىپ بەرەدى.

مينيسترلىكتىڭ اقپاراتىنشا، قازىر اقجارقىن تۇرلىبايدىڭءىسى ق ح ر گۋاڭدۇڭ ولكەسى جوعارعى حالىق سوتىنىڭ قاراۋىندا. وعان قاتىستى تەرگەۋجۇمىسى جۇرگىزىلىپ جاتىر.

«تۇرلىبايدىڭ زاڭدى قۇقىقتارىن جانە مۇددەلەرىن سوتتا قورعاۋماقساتىندا «شەتەلدە قازاقستاننىڭ مۇددەلەرىن ءبىلدىرۋ» باعدارلاماسى بويىنشارەسپۋبليكالىق بيۋدجەتتەن بولىنگەن قاراجاتقا بەيجىڭنىڭ «داحەن» ادۆوكاتتىقكومپانياسىنان بىلىكتى زاڭگەر جۇمىسقا تارتىلدى»، - دەلىنگەن حابارلامادا.

اقجارقىن تۇرلىبايدىڭ تاعدىرى

قازاقستان ازاماتى اقجارقىن تۇرلىباي 2014 -جىلىناۋرىزدا گۋاڭجوۋ اۋەجايىندا ۇستالعان بولاتىن. وعان شەكارادان 4,5 كەلى ەسىرتكىنىالىپ وتپەك بولدى دەگەن ايىپ تاعىلدى. ول كەزدە وتانداسىمىز 20 جاستا بولعان ەدى.2015 -جىلدىڭ ماۋسىمىندا قىتاي سوتى ونى ءومىر بويىنا باس بوستاندىعىنان ايىردى.سوتتا اقجارقىن شەتەلدىك دوسى الداپ كەتكەنىن ايتىپ، كىناسىن مويىنداعان جوق.

2016 -جىلى سوت شەشىمى جويىلىپ، ءىس قايتا قاراۋعا جىبەرىلدى.

اقجارقىن تۇرلىبايدىڭ ءومىربايانى

اقجارقىن تۇرلىباي 1994 -جىلى 21 -اقپاندا تۋعان. قىزدىڭوتباسى تۇركىستان وبلىسىندا تۇرادى. الماتىداعى قازاق مەملەكەتتىك قىزدارپەداگوگيكا ۋنيۆەرسيتەتىنە وقۋعا تۇسكەن. ءۇشىنشى كۋرستان باستاپ تۇنگى كلۋبتاداياشى بولىپ جۇمىس ىستەپ، تابىس تابا باستاعان. قىتايعا قۇربىسىنا تاۋار اكەلۋگەكومەكتەسۋ ءۇشىن بارىپتى.