الاكولدەگى سۋ سىناماسىنىڭ ناتيجەسى بەلگىلى بولدى

الماتى. قازاقپارات - «قازگيدرومەت» ر م ك- نىڭ الماتى وبلىسى بويىنشا فيليالىنىڭ ماماندارى الاكولدىڭ بەس نۇكتەسىنەن الىنعان سۋ سىناماسىنا جۇرگىزىلگەن جوسپاردان تىس تەكسەرىستىڭ قورىتىندىسىن جاريالادى، دەپ حابارلايدى قازاقپارات ءتىلشىسى.

«2019 -جىلدىڭ 1 -تامىزىندا الاكول كولىنە «كوكتەم گراند» قوناقءۇيىنىڭ باسسەينى قۇبىرىنان لاي سۋدىڭ اعىپ كەلۋىنە بايلانىستى «قازگيدرومەت» ر م ك-نىڭالماتى وبلىسى بويىنشا فيليالىنىڭ قىزمەتكەرلەرى بىردەن ءتيىستى جۇمىستى قولعاالدى. ماماندار وقيعا ورنىنا جەتىپ، №1-نۇكتەنىڭ 5 مەتر تەرەڭدىگىنەن (اعىپ كەلگەنارنادان، قۇبىردان)؛ №2-نۇكتەدەگى دەمالىس اۋماعىنان (قۇبىرعا جاقىن جاعادان)؛ №3-نۇكتەدەگىاعىپ كەلگەن ارناعا 20 مەتر قاراما-قارسى قاشىقتىقتان؛ №4-نۇكتەدەگى اعىپ كەلگەنارنادان وڭعا قاراي 500 مەتر جەردەن؛ №5-نۇكتەدەگى اعىپ كەلگەن ارنادان سولعاقاراي 500 مەتر جەردەن سۋ سىناماسى الىندى»، - دەلىنگەن حابارلامادا.

لابوروتوريالىق اناليز سۋ ساپاسىنىڭ 45 فيزيكو-حيميالىقكورسەتكىشى بويىنشا، اتاپ ايتقاندا باستى يوندارى، بيوگەندى، ورگانيكالىق قۇرامىمەن اۋىر مەتاللدارى بويىنشا جۇرگىزىلگەن.

اقپاراتتى جەدەل بەرۋ ءۇشىن فيليال دەمالىس كۇندەرىالىنعان سۋ سىناماسىنا تالداۋ جۇرگىزدى.

3-4 -تامىز كۇندەرى الىنعان ناتيجە بويىنشا سۋ سىناماسىندا حلوريدبويىنشا كونسەنتراتسيانىڭ (3,8 ەسەگە)، ماگنيدىڭ (3,3 ەسەگە)، مينەراليزاتسيانىڭ(3,2 ەسەگە) جانە ءفتوريدتىڭ (3,6 ەسەگە) ارتقانى بايقالادى.

ەسكە سالا كەتسەك، الماتى وبلىسىنداعى الاكولگە قۇبىرارقىلى لاي سۋ توگىلىپ جاتقانى بۇعان دەيىن حابارلانعان بولاتىن. الەۋمەتتىكجەلىگە تاراعان ۆيدەو حالىقتىڭ نارازىلىعىن تۋدىرعان.

ق ر ەكولوگيا، گەولوگيا جانە تابيعي رەسۋرستار ءمينيسترىماعزۇم مىرزاعاليەۆ بۇل جاعدايعا كىنالىلەر جازالاناتىنىن حابارلادى. وسى ماسەلەگەبايلانىستى الاكولدەگى سۋدى زەرتتەۋ ماقساتىندا ارنايى كوميسسيا قۇرىلدى.

اۆتور: ايان بەكەن ۇلى