« بيىل 28 - ماۋسىمدا پروكۋراتۋرا ورگاندارى بۇقارالىق اقپارات قۇرالدارى ارقىلى بەيبىت ميتينگىلەر مەن جينالىستار وتكىزۋدىڭ ءتارتىبى مەن شارتتارى تۋرالى زاڭعا تۇسىنىكتەمە بەردى. مەملەكەت مۇنداي جاريا ءىس- شارالاردى وتكىزۋگە كونستيتۋتسيالىق قۇقىقتى ىسكە اسىرۋدى « قازاقستان رەسپۋبليكاسىندا بەيبىت جينالىستار، ميتينگىلەر، شەرۋلەر، پيكەتتەر جانە دەمونستراتسيالار ۇيىمداستىرۋ مەن وتكىزۋ ءتارتىبى تۋرالى» زاڭ شەڭبەرىندە قامتاماسىز ەتەدى» دەلىنگەن ۇندەۋدە.
سونىمەن قاتار، وندا الەۋمەتتىك جەلىلەردە اتالعان زاڭ تالاپتارىن بۇزىپ، 2019 - جىلعى 6 - شىلدەدە سانكتسيالانباعان ميتينگتەردى ۇيىمداستىرۋعا جانە وعان قاتىسۋعا ارانداتۋشىلىق شاقىرۋلاردى تاراتۋ ءالى دە جالعاسىپ جاتقانى ايتىلعان.
« جۇرگىزىلىپ جاتقان ۇگىت - جەكەلەگەن ادامداردىڭ جاپپاي تارتىپسىزدىكتى ۇيىمداستىرۋعا جانە ەلدەگى جاعدايدى تۇراقسىزداندىرۋعا باعىتتالعان كەزەكتى تالپىنىسى. كونستيتۋتسيا مەن ۇلتتىق زاڭناماعا سايكەس مۇنداي ءىس- ارەكەتتەرگە تىيىم سالىنادى جانە جاۋاپكەرشىلىككە اكەپ سوعادى. وسىعان بايلانىستى، قۇقىق قورعاۋ ورگاندارى اتالعان زاڭسىز ءىس- ارەكەتتەردىڭ جولىن كەسەتىن بولادى. رۇقسات ەتىلمەگەن جاريا اكسيالاردى ۇيىمداستىرۋعا جانە وتكىزۋگە شاقىرۋ، نە ولارعا قاتىسۋ اكىمشىلىك قۇقىق بۇزۋشىلىق تۋرالى كودەكستىڭ 488-بابى بويىنشا جاۋاپكەرشىلىك قاراستىرىلعان (سانكسيالانباعان اكسيانى ۇيىمداستىرۋ نە وعان قاتىسۋ) » دەلىنگەن حابارلامادا. ودان بولەك، بۇل ارەكەتتەر ازاماتتاردىڭ، ۇيىمداردىڭ، قوعامنىڭ نەمەسە مەملەكەتتىڭ قۇقىقتارى مەن زاڭدى مۇددەلەرىنە ەلەۋلى زيان كەلتىرسە، وندا قىلمىستىق كودەكستىڭ 400-بابى بويىنشا جاۋاپكەرشىلىك تۋىندايتىنى (سانكسيالانباعان اكسيانى ۇيىمداستىرۋ نە وعان قاتىسۋ، ەگەر ولار ەلەۋلى زيان كەلتىرسە) ايتىلعان. وسىنىڭ ءبارىن ەسكەرە وتىرىپ، باس پروكۋراتۋرا ازاماتتاردى زاڭدى ساقتاۋعا، ارانداتۋشىلىققا بوي الدىرماۋعا جانە زاڭسىز اكتسيالارعا قاتىسۋدان باس تارتۋعا شاقىرادى.