ءتارتىپ ساقشىلارىنىڭ ايتۋى بويىنشا، الاياق ادەيى ادامدار كوپ جۇرەتىن جەرلەردە، ياعني پاركتەر مەن سكۆەرلەردە "جۇمىس ىستەگەن". جالعىز سەرۋەندەپ جۇرگەن ازاماتتاردى تاڭداپ، سول ادامنىڭ جانىنان ءوتىپ بارا جاتىپ بايقاۋسىزدا بىلدىرتپەي ءامياندى تاستاپ، كەتىپ قالعان. ادامدار ەشقانداي جاماندىقتان كۇدىكتەنبەستەن ءامياندى كوتەرگەن. وسى ساتتەن باستاپ الاياق ارەكەت ەتە باستاعان. «تاۋىپ العان» ءامياندى قولىنا ۇستاپ تۇرعان ادامنىڭ قاسىنا كەلىپ ءامياننىڭ ىشىندەگى اقشانى ساناي باستايدى دا وندا ءىرى كولەمدەگى اقشانىڭ جەتپەيتىندىگىن انىقتايدى جانە تاباندى تۇردە داۋ شىعارا باستايدى.
داۋلاسۋ جانە جوعالىپ كەتكەن ءىرى سوماداعى اقشا قاراجاتىن ناقتىلاۋ كەزىندە الاياق جابىرلەنۋشىنىڭ اقشا قاراجاتىن بىرنەشە رەت سانايدى، سول كەزدە ساۋساقتارىنىڭ اراسىنا كۋپيۋرالاردى بىلدىرمەستەن قىسىپ الىپ، بوتەن ادامنىڭ اقشاسىن يەمدەنگەن.
وسىعان ۇقساس قىلمىستاردى جاساعانى ءۇشىن ەلوردالىق پوليتسيا قىزمەتكەرلەرى اقمولا وبلىسىنىڭ تۇرعىنىن ۇستادى.
قازىرگى ۋاقىتتا ۇستالعانعا 2 وسىعان ۇقساس فاكتى دالەلدەنۋدە، سوتقا دەيىنگى تەرگەپ- تەكسەرۋ جۇرگىزىلۋدە.
نۇر- سۇلتان قالاسىنىڭ پوليتسيا دەپارتامەنتى وسىنداي جاعداي تۋىنداعان كەزدە "102" نومىرىنە حابارلاسۋدى جانە قانداي جاعداي بولماسىن، ءوز اقشا قاراجاتىن بوتەن ادامدارعا بەرمەۋدى ۇسىنادى.
وسى تۇلعانىڭ زاڭسىز ارەكەتىنەن زارداپ شەككەن ازاماتتاردى "بەيبىتشىلىك" كوشەسى 19 مەكەن جايىندا ورنالاسقان نۇر- سۇلتان قالاسى پوليتسيا دەپارتامەنتىنە نەمەسە "102" تەلەفوندارىنا حابارلاسۋدى سۇرايدى.