الەمنىڭ ۇزدىك زاڭگەرلەرى حالىققا تەگىن كەڭەس بەرەدى

 «Pro Bono» تەرمينى «قوعام يگىلىگى ءۇشىن» دەگەن ماعىنا بەرەدى. بۇل تاجىريبە كوپتەگەن ۇيىمداردا جولعا قويىلعان. ياعني، كاسىبي زاڭگەرلىك ۇيىمنىڭ قۇرامىندا بولساڭىز، قوعام الدىنداعى جاۋاپكەرشىلىك رەتىندە قايىرىمدى ىسپەن اينالىسۋىڭىز كەرەك. ياعني، نەگىزگى فيلوسوفيا - زاڭگەر جالداۋعا قاراجاتى جەتپەگەن ادامدارعا تەگىن ساپالى قىزمەت كورسەتۋ» ، - دەپ ءتۇسىندىردى ا ح ق و ساراپشىسى دەۆيد گاللو Law Pro Bono كەڭسەسىنىڭ اشىلۋىنا ارنالعان بريفينگتە.

 تەگىن كەڭەس بەرۋدە ا ح ق و- دا تىركەلگەن حالىقارالىق جانە جەرگىلىكتى زاڭگەرلىك كومپانيالاردىڭ قىزمەتكەرلەرى جۇمىس ىستەيدى. «2018 -جىلى ا ح ق و اۋماعىندا 20-دان استام زاڭگەرلىك كومپانيا تىركەلدى. ولاردىڭ اراسىندا BakerMcKenzie, Curtis Mallet-Prevost, Grata International سىندى تانىمال زاڭگەرلىك ۇيىمدار بار. ا ح ق و قارجى ماسەلەسىنە قاتىستى سۇراقتارمەن اينالىساتىن بولعاندىقتان، زاڭگەرلىك كەڭەستەر دە ءوز قۇزىرەتىمىزدەگى ماسەلەلەر جونىندە بولماق. ياعني، كەز كەلگەن ەلدىڭ زاڭدى نەمەسە جەكە تۇلعاسى احقو اۋماعىنا كەلىپ، قارجى، بيزنەس سالالارى جونىندە زاڭگەرلىك كەڭەسكە جۇگىنە الادى» ، - دەدى ا ح ق و باسقارما ءتوراعاسىنىڭ ءبىرىنشى ورىنباسارى مارات ايتەنوۆ.

Law Pro Bono كەڭسەسى ەكسپو اۋماعىندا ورنالاسقان. تەگىن كەڭەس ءۇشىن ءار ەكى اپتا سايىن سەيسەنبى جانە بەيسەنبى كۇندەرى ساعات 10.00-12.00 ارالىعىندا كەلۋگە بولادى. اقىل- كەڭەس ەلەكتروندى تۇردە بەرىلمەيدى.