ەندى گرانتقا تۇسە الماعان تالاپكەرلەر دە تەگىن وقي الادى

ءبىلىم جانە عىلىم ءمينيسترى اسحات ايماعامبەتوۆ قوسىمشا گرانتتاردىڭ قالاي تاراتىلاتىنىن ايتىپ بەردى.

ءمينيستردىڭ ايتۋىنشا، بيىل قوسىمشا 5000 گرانت كوپبالالى جانە تۇرمىسى تومەن وتباسىلاردان شىققان بالالارعا بەرىلەدى. گرانتتاردىڭ قاراجاتى ترانسفەر ارقىلى جەرگىلىكتى اكىمدىكتەرگە اۋدارىلادى. اتقارۋشى ورگاندار ءوز كەزەگىندە ءوڭىردىڭ قاجەتتىلىگىن ەسكەرە وتىرىپ، ناقتى ماماندىقتاردىڭ تىزبەسىن جاسايدى. ودان كەيىن كونكۋرس نەگىزىندە گرانتتاردى تاراتادى.

«كونكۋرسقا قاتىسۋ ءۇشىن تالاپكەر ۇلتتىق ءبىرىڭعاي تەستىلەۋدىڭ شەكتى بالىن جيناۋى قاجەت. جالپى، وسى گرانتقا يە بولۋ ءۇشىن ۇمىتكەرلەر، ەڭ الدىمەن، جىلداعىداي 21-31 شىلدە ارالىعىندا رەسپۋبليكالىق كونكۋرسقا قاتىسىپ،  53785 گرانتقا باعىن سىناپ كورەدى. ال سول جالپى كونكۋرستا گرانتقا قول جەتكىزە الماعان كوپبالالى وتباسىدان شىققان جانە اتاۋلى الەۋمەتتىك كومەك الۋشىلار ساناتىنداعى تالاپكەرلەر قوسىمشا بەرىلگەن جاڭاعى 5000 گرانتتى الۋ ءۇشىن تامىز ايىنىڭ 5-10 ارالىعىندا كەلەسى كونكۋرسقا قاتىسۋعا جەرگىلىكتى اتقارۋشى ورگاندارعا ءوتىنىش بەرە الادى» ، - دەدى ايماعامبەتوۆ.

ونىڭ سوزىنە قاراعاندا، قوسىمشا گرانتتار ۇ ب ت- نىڭ ۇپاي سانىنا قاراي تاعايىندالادى. ال جەڭىمپازداردىڭ ءتىزىمى جەرگىلىكتى بۇقارالىق اقپارات قۇرالدارىندا جاريالانادى.

«گرانت يەگەرلەرىنە ادەتتەگىدەي  20949 تەڭگە كولەمىندە ستيپەنديا تاعايىندالادى. سونىمەن قاتار، دەمالىس كەزىندە جىلىنا ەكى رەت جول ءجۇرۋ وتەماقىسى تولەنەدى» ، - دەپ اتاپ ءوتتى مينيستر.