«Сohsolited Contracting Endihering and Prourement S.A.L Offshore» جۇمىسشىلارىمەن كەزدەسۋ بارىسىندا تۇرمىستىق جانجالدىڭ ۋشىعۋىنا جول بەرمەۋ تۋرالى ءتۇسىندىرۋ جۇرگىزىلىپ، سونداي- اق كەن ورنىندا جۇمىستى ۇيىمداستىرۋ ماسەلەسى تالقىلاندى. وسى ماسەلەلەردى پىسىقتاۋمەن ۆەدومستۆوارالىق كوميسسيا اينالىسادى، ونىڭ قۇرامىنا مەمورگاندارمەن قاتار، كومپانيا جانە تشو وكىلدەرى كىرەدى» ، - دەلىنگەن اتىراۋ وبلىسى اكىمدىگى مالىمەتىندە.
بەلگىلى بولعانداي، كوميسسياعا وبلىس اكىمىنىڭ ءبىرىنشى ورىنباسارى جەتەكشىلىك ەتەدى. «كەزدەسۋ قورىتىندىسى بويىنشا، جۇمىسشىلار وزدەرىنىڭ قىزمەتتەرىنە كىرىستى، جاعداي تۇراقتاندى. ت شو مەديتسينالىق پۋنكتىندە 30 ادامعا كومەك كورسەتىلدى. قازىرگى كەزدە ولاردىڭ دەنساۋلىق جاعدايىنا قاتىستى ەشقانداي قاۋىپ جوق. قازا بولعاندار تىركەلمەدى» ، - دەپ اتاپ وتىلگەن تاراتىلعان حابارلامادا.
بۇدان بۇرىن حابارلانعانداي، بۇگىن ساعات 11:00 شاماسىندا «تەڭىز» ۆاحتالىق قالاشىعىندا (جىلىوي اۋدانى قۇلسارى قالاسىنان 120 ك م، اتىراۋ قالاسىنان 340 ك م) «Сohsolited Contracting Endihering and Prourement S.A.L Offshore» كومپانياسى جۇمىسشىلارى جۇمىس ۋچاسكەسىنە جينالىپ، ليۆيا ازاماتى Eli Daoud- ءتىڭ جاقىندا «Whatsapp» جەلىسىنىڭ پروفيلىنە ورنالاستىرعان فوتوسۋرەتكە نارازىلىقتارىن بىلدىرگەنى ءمالىم بولدى.