نۇر- سۇلتان قالالىق پوليسيا دەپارتامەنتىنەن ءمالىم ەتكەندەي، جول قوزعالىسى قاۋىپسىزدىگىن قامتاماسىز ەتۋ كەزىندە قوعامدىق كولىكتەرگە باسىمدىق بەرىلەدى. وسىعان بايلانىستى پوليتسيا دەپارتامەنتى جۇرگىزۋشىلەرگە جەكە كولىكتەرىنەن باس تارتىپ، قوعامدىق كولىكتەرمەن جۇرۋگە كەڭەس بەرەدى. نۇر- سۇلتان حالىقارالىق اۋەجايى اۋماعىنا جانە جاقىن ورنالاسقان ەلدى مەكەندەرگە ساپارلايتىن تۇرعىندارعا الدىن الا باسقا قوسىمشا باعىتتى تاڭداۋدى ۇسىنادى.
سونداي- اق، كورەرمەندەر جەكە كولىكتەرىن جاقىن ورنالاسقان «بارىس - ارەنا» س ك، «الاۋ» س ك، «سارىارقا ۆەلوترەگى» س ك اۋماعىنداعى كولىك تۇراقتارىنا قويۋلارىنا بولادى. بۇدان بولەك، كورەرمەندەر ءۇشىن 19:00-22:00 ارالىعىندا كونسەرت وتەتىن «استانا ارەنا» ستاديونىنا № 10؛ 12؛ 28؛ 37؛ 40؛ 51؛ 53؛ 60 قالالىق جانە قالا ماڭىنا قاتىنايتىن ارنايى رەيستىك اۆتوبۋستار جۇرەدى. كونتسەرتتەن شىققان كورەرمەندەر ۇيلەرىنە قايتۋ ءۇشىن قابانباي باتىر داڭعىلى جاعىنان اۆتوبۋستارعا وتىرا الادى. وسىعان بايلانىستى، نۇر- سۇلتان قالالىق پوليتسيا دەپارتامەنتى ەلوردا تۇرعىندارى مەن قوناقتارىنا ءوز باعىتتارىن الدىن الا جوسپارلاۋعا كەڭەس بەرەدى.