اسقار نيازوۆ مەملەكەت قابىلداعان شارالار مەملەكەت باسشىسىنىڭ سايلاۋ الدىنداعى ناۋقانىندا ايتىلعان باعدارلامادان تۋىنداعانىن ايتادى.
«بۇل جارلىق دەر كەزىندە شىقتى. وزدەرىڭىز بىلەتىندەي، پرەزيدەنت قاسىم- جومارت توقايەۆتىڭ سايلاۋالدى كامپانياسىندا الەۋمەتتىك باعىتتاعى ساياسات جالعاستاتىنىن جانە حالىقتىڭ ناقتى تابىسىن ارتتىرۋ بويىنشا شارالار قابىلداناتىنىن ايتقان بولاتىن. بۇل جارلىق بارلىق ازاماتتارعا ەمەس، بەلگىلى ءبىر ساناتتارعا - حالىقتىڭ الەۋمەتتىك وسال توپتارىنا ارنالعان. ولار - كوپ بالالى وتباسىلار، مۇگەدەك بالالارى بار وتباسىلار، جەتىم بالالار، اسىراۋشىسىنان ايىرىلعان وتباسىلار»، - دەدى باسقارما باسشىسى.
سونىمەن قاتار، اسقار نيازوۆ ەڭبەك مينيسترلىگى جارلىق اياسىندا قانداي جۇمىس جۇرگىزەتىنىن ايتتى.
«جارلىقتى جۇزەگە اسىرۋ ءتارتىبىن ۇلتتىق بانك پەن قارجى مينيسترلىگى پىسىقتايدى. ەڭبەك جانە حالىقتى الەۋمەتتىك قورعاۋ مينيسترلىگى اتالمىش ساناتتاردى ۇسىنۋعا قۇزىرەتتى بولادى. نەسيەنى وتەۋ ءتارتىبى بەلگىلى بولعان جاعدايدا، ءوتىنىش بەرۋشى ادامنىڭ الەۋمەتتىك جاعىنان قانشالىقتى وسال ەكەنىن انىقتاپ، قاراستىرىلعان ساناتقا جاتاتىنىن راستايمىز»، - دەدى اسقار نيازوۆ.
ەسكە سالساق، ق ر پرەزيدەنتى قاسىم-جومارت توقايەۆ قازاقستاندىقتاردىڭ بورىش جۇكتەمەسىن جەڭىلدەتۋ تۋرالى جارلىققا قول قويعان بولاتىن.