قازگيدرومەت: رەسپۋبليكانىڭ باسىم بولىگىندە نايزاعاي ويناپ، جاۋىن جاۋادى

بۇل تۋرالى قازاقپارات «قازگيدرومەت» ر م ك- نىڭ مالىمەتتەرىنە سۇيەنە وتىرىپ حابارلايدى.

كاسىپورىن تاراتقان مالىمەتتەرگە قاراعاندا، ماۋسىمنىڭ 27 ءسى كۇنى اتالعان اۋماقتاردا نايزاعاي ويناپ، جاڭبىر جاۋادى، جەل كۇشەيىپ، بۇرشاق جاۋۋى ىقتيمال. داۋىل تۇرۋى دا مۇمكىن.

سولتۇستىك وڭىردە كەي جەرلەردە تۇمان تۇسەدى. قازاقستان تەرريتورياسىنىڭ قالعان بولىگىندە جاۋىن-شاشىن بولمايدى.

اقمولا وبلىسىنىڭ كەي جەرلەرىندە جەل 15-20 م/س جىلدامدىقپەن ەسەدى. كۇندىز داۋىل تۇرىپ، بۇرشاق جاۋۋى ىقتيمال، تۇندە جانە تاڭەرتەڭ تۇمان تۇسەدى.

سولتۇستىك قازاقستان وبلىسىنىڭ كەي جەرلەرىندە تۇمان ءتۇسىپ، داۋىل تۇرادى، جەلدىڭ جىلدامدىعى سەكۋندىنا 15-20 مەترگە جەتەدى. بۇرشاق جاۋۋى ىقتيمال.

پاۆلودار وبلىسىنىڭ كەي جەرلەرىندە كۇندىز جەل 15-20 م/س جىلدامدىقپەن ەسەدى، بۇرشاق جاۋۋى ىقتيمال.

قوستاناي وبلىسىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى سەكۋندىنا 15-20 مەترگە جەتەدى. كۇندىز كەي جەرلەردە بۇرشاق جاۋۋى دا ىقتيمال.

قاراعاندى وبلىسىنىڭ كەي جەرلەرىندە جەل 15-20 م/س جىلدامدىقپەن سوعادى، داۋىل تۇرۋى مۇمكىن. 

قىزىلوردا وبلىسىنىڭ ءبىرقاتار اۋماقتارىندا تاڭەرتەڭ جانە كۇندىز جەلدىڭ جىلدامدىعى سەكۋندىنا 15-20 مەتر بولادى، داۋىل تۇرادى.

جامبىل، اتىراۋ وبلىستارىنىڭ كەي جەرلەرىندە كۇندىز جەل 15-20 م/س- كە دەيىن كۇشەيەدى. سونداي-اق كۇندىز تۇركىستان، الماتى، ماڭعىستاۋ، قاراعاندى وبلىستارىنىڭ كەي جەرلەرىندە كۇن قاتتى ىسيدى.

قىزىلوردا، تۇركىستان، اتىراۋ وبلىسىنىڭ باسىم بولىگىندە، باتىس قازاقستان، اقتوبە وبلىسىنىڭ كەي جەرلەرىندە، قوستاناي، الماتى، جامبىل وبلىستارىندا ءورت قاۋىپى ساقتالادى.