شىمكەنتتىكتەر ارىستان كوشىرىلگەن حالىققا جاپپاي كومەك كورسەتۋدە
شىمكەنت قالاسىنىڭ ورتالىق مەشىتى قازىرگى ۋاقىتتا ارىستان ەۆاكۋاتسيالانعان حالىقتى قابىلداۋدا. كەلىپ تۇسكەن حابارلارعا قاراعاندا، ەۆاكۋاتسيا كەزىندە اداسىپ قالعان بالالاردىڭ بارلىعى مەشىتكە جەتكىزىلىپ جاتىر. قازىرگى ۋاقىتتا كومەك كورسەتۋگە اكەلىنگەن ادامدار سانى 500 دەن اسقان.
مەشىت يمامىنىڭ ايتۋىنشا، جەتكىزىلگەندەر مەشىتتىڭ مەدرەسەسى مەن جاتاقحاناسىنا ورنالاستىرىلۋدا. ارىس تۇرعىندارىنا كومەكتەسۋگە شىمكەنت قالاسىنىڭ تۇرعىندارى سۋ، ازىق- تۇلىك جەتكىزىپ، بارىنشا قولداۋ كورسەتۋدە.
بۇعان دەيىن ارىس قالاسىنداعى اسكەري ءبولىمنىڭ قويماسىندا جارىلىس بولعاندىعى تۋرالى حابارلانعان ەدى. ق ر قورعانىس مينيسترلىگى ارىستاعى جارىلىستان زارداپ شەككەندەر جوق ەكەندىگىن جاريالادى.
ال ق ر پرەزيدەنتى قاسىم-جومارت توقايەۆ ءتيىستى ورگاندارعا ارىستاعى اسكەري بولىمدەگى وق-ءدارى قويماسىندا بولعان جارىلىستىڭ زارداپتارىن جويۋ تۋرالى تاپسىرما بەردى.