ەلباسىنىڭ تاپسىرماسىمەن 2005 -جىلدان بەرى ەلوردادا جانە ەلىمىزدىڭ بارلىق وڭىرىندە «جاسىل ەل» باعدارلاماسى جۇزەگە اسىرىلىپ جاتىر. ون ءتورت جىل بويى ەلوردالىق «جاسىل ەل» شتابى قالانى كوگالداندىرۋ مەن جاستاردى الەۋمەتتەندىرۋگە، جازعى ماۋسىمدا 14-29 جاس ارالىعىنداعى ستۋدەنتتەر مەن جاستاردى جۇمىسپەن قامتاماسىز ەتۋگە ەلەۋلى ۇلەس قوسۋدا. بۇگىندە جازعى ماۋسىمدا جاستاردى جۇمىسپەن قامتاماسىز ەتۋ بويىنشا كەلىسىمگە 50 دەن اسا مەكەمە قول قويدى. ولاردىڭ اراسىندا «استانا ورمانى» ج ش س، «استانا زەلەنستروي» ا ق، «استانا تازالىق» اق، «بازيس ا» قۇرىلىس كومپانياسى، «ستروي گرۋپپ ينجينيرينگ»، «كاپسترو 2017» جانە قالانىڭ ءبىرقاتار ءبىلىم مەكەمەسى بار»، - دەلىنگەن نۇر-سۇلتان قالاسى اكىمدىگىنىڭ مالىمەتىندە.
ءمالىم بولعانداي، مامىر ايىندا «جاسىل ەل» جاساقتارىنىڭ قاتارىندا 100 ادام ەڭبەك ەتتى. ماۋسىم ايىندا ولاردىڭ سانى 500 ادامدى قۇرادى، ونىڭ 200 ى كوپبالالى جانە الەۋمەتتىك از قامتىلعان وتباسىنان شىققان. 18 جاستان اسقان جاسىلەلدىكتەردىڭ ورتاشا جالاقىسى 80 مىڭ تەڭگەنى قۇرايدى.
ەراسىل مۇساتايەۆ «جاسىل ەل» قاتارىنا بيىل جازدا كىردى. ونىڭ وتباسىندا 7 بالا بار. مامىر ايىندا №63 -مەكتەپتىڭ 10-سىنىبىن بىتىرگەن ول، جازدا وتباسىنا كومەكتەسۋ ءۇشىن جۇمىس ىستەۋدى شەشكەن.
«مەكتەپ وقۋشىلارى مەن ستۋدەنتتەرگە ساباعىنان قالماي، وقۋىنان تىس ۋاقىتتا ءوز ەڭبەگىمەن، ادال تەرىمەن قوسىمشا جۇمىس ىستەپ، تابىس تابۋعا مۇمكىندىك بەرىپ وتىرعان يگىلىگى مول باعدارلاماعا العىس ايتقىم كەلەدى. بۇل باعدارلامانىڭ ارقاسىندا وتباسىما كومەكتەسىپ قانا قويماي، وزىممەن قاتار جاستارمەن تانىسىپ، جاڭا دوستار تاپتىم. ال تابىسىما وزىمە جانە ءىنى-قارىنداستارىما الداعى وقۋ جىلىندا مەكتەپكە قاجەت زاتتار العىم كەلەدى»، - دەدى ەراسىل مۇساتايەۆ.
بۇدان باسقا، جۇمىس ناتيجەلەرى بويىنشا باعدارلامانىڭ بارلىق قاتىسۋشىسىنا 35394 تەڭگەنى قۇرايتىن 2 بازالىق لاۋازىمدىق جالاقى مولشەرىندە اقشالاي سىياقى (جۇمىس بەرۋشىنىڭ قىزمەتكەرلەرىنە ەڭبەكاقىعا قوسىمشا اقى) تولەنەدى.