«قازاقستان پوليتسياسى كۇنى مەن مەملەكەتتىك قىزمەتشى كۇنىنە وراي، ادام ءومىرىن قۇتقارعان ازاماتتار باتىلدىعى، قايسارلىعى جانە ازاماتتىق بورىشىن ادال ورىنداعانى ءۇشىن ماراپاتتالدى. سالتاناتتى شارادا ق ر ءى ءى م توتەنشە جاعدايلار كوميتەتىنىڭ ءتوراعاسى ۆلاديمير بەككەر يسماعۇلوۆ نۇرسۇلتانعا جانە الىبەك باقداۋلەتكە «توتەنشە جاعدايداعى ەرلىگى ءۇشىن» توسبەلگىلەرىن تابىستادى»، - دەپ حابارلادى ق ر ءى ءى م ت ج ك باسپا ءسوز قىزمەتىنەن.
ۆلاديمير بەككەر باتىرلارعا العىس ايتىپ، ولاردىڭ جىلدام ارەكەت ەتۋى ارقىلى بىرنەشە ادامنىڭ امان قالعانىن اتاپ ءوتتى.
ەسكە سالا كەتسەك، 2019 -جىلدىڭ 8 -ماۋسىمىندا ل. گۋميلەۆ اتىنداعى ە ۇ ۋ 2 -كۋرس ستۋدەنتى، 21 جاستاعى نۇرسۇلتان يسماعۇلوۆ نۇر-سۇلتان قالاسىنداعى كوپقاباتتى ۇيلەردىڭ بىرىندە بولعان ورتتە باتىلدىق تانىتىپ، ءۇش بالانى قۇتقارعان بولاتىن.
سونىمەن بىرگە، اعىمداعى جىلدىڭ 26 -ناۋرىزىندا ەلوردانىڭ ۇلى دالا كوشەسى بويىندا ءۇش اۆتوبۋس پەن بىرنەشە جەڭىل اۆتوكولىكتەردىڭ قاتىسۋىمەن جول-كولىك وقيعاسى بولدى. سول ساتتە №303-باعداردىڭ جۇرگىزۋشىسى باقداۋلەت الىبەك كەرى باعىتتا ءوتىپ بارا جاتقان. جۇرگىزۋشى كولىگىن توقتاتىپ، اپات قۇرباندارىن قۇتقارۋعا اسىققان. ونىڭ قولعابىس ەتۋىمەن قۇتقارۋ بولىمشەلەرى كەلگەنشە اۆتوبۋستان 30 دان استام ادام قۇتقارىلدى، ونىڭ ىشىندە بالالار دا بار.