سيپوپتيكتەردىڭ مالىمەتىنشە، تەك سولتۇستىك جانە وڭتۇستىك-شىعىستىڭ تاۋلى ايماقتارىندا اتموسفەرالىق اعىنداردىڭ وتۋىنە بايلانىستى جاڭبىر جاۋادى، كەي جەرلەرىندە تۇمان ءتۇسىپ، جەل كۇشەيەدى، سولتۇستىكتە داۋىل، وڭتۇستىكتە شاڭدى داۋىل بولۋى ىقتيمال.
اقمولا، سولتۇستىك قازاقستان وبلىستارىنىڭ كۇندىز كەي جەرلەرىندە جەل 15-20 م/س كۇشەيىپ، داۋىل كۇتىلەدى.
الماتى وبلىسىنىڭ كەي جەرلەرىندە بۇرشاق جاۋادى، سولتۇستىك قازاقستان وبلىسىنىڭ كەي جەرلەرىندە تۇندە تۇمان ءتۇسۋى مۇمكىن.
الماتى، جامبىل، كۇندىز قىزىلوردا، قوستاناي وبلىستارىنىڭ كەي جەرلەرىندە جەلدىڭ جىلدامدىعى 15-21 م/س جەتەدى. قىزىلوردا وبلىسىندا شاڭدى داۋىل تۇرادى.
قاراعاندا وبلىسىنىڭ كەي جەرلەرىندە تۇمان ءتۇسۋى ىقتيمال. اتىراۋ، اقتوبە، ماڭعىستاۋ، باتىس قازاقستان وبلىستارىنىڭ كەي جەرلەرىندە كۇندىز اپتاپ ىستىق بولادى.
ماڭعىستاۋ، اتىراۋ، باتىس قازاقستان، قىزىلوردا، اقتوبە وبلىسىنىڭ كەي جەرلەرىندە، قوستاناي، تۇركىستان، الماتى وبلىستارىنىڭ كەي جەرلەرىندە جوعارى ءورت قاۋپى ساقتالادى.