تۇرمەدە تۇتقىندار كەپىلگە العان كۇزەتشىلەر بوساتىلدى

نۇر-سۇلتان. قازاقپارات - فرانسيادا كوندە- سيۋر-سارت قالاسىنداعى تۇرمەدە تۇتقىندار كەپىلگە العان ەكى ادام بوساتىلدى، دەپ حابارلادى سارسەنبى كۇنى BFMTV تەلەارناسى.

قاماۋداعىلار ەكى كۇزەتشىنى كەپىلگە العان.

France Info راديوستانسياسىنىڭ دەرەكتەرىنە قاراعاندا، قىلمىسكەرلەر قولدان جاسالعان پىشاقتى پايدالانعان.

BFMTV تەلەارناسىنىڭ اتاپ وتۋىنشە، قازىرگى كەزدە كەپىلگە الىنعانداردى بوساتۋدىڭ ءساتى تۇسكەن. وزگە تۇرمەگە اۋىستىرۋدى تالاپ ەتكەن قىلمىسكەرلەر سوندا قالدى.

بۇدان بۇرىن دا جۇيكەسى سىر بەرگەن تۇتقىننىڭ بىرەۋى باقىلاۋشىلارعا شابۋىل جاساعان كورىنەدى.