بيۋدجەت قاراجاتىن يگەرمەگەن مەملەكەتتىك ورگاندار بەلگىلى بولدى

ونىڭ ايتۋىنشا، رەسپۋبليكالىق بيۋدجەت شىعىستارى 4 تريلليون 894 ميلليارت تەڭگەگە يگەرىلدى.

«وتكەن جىلدىڭ 5 ايىمەن سالىستىرعاندا شىعىستاردىڭ كولەمى 1 تريلليون 209 ميلليارت تەڭگەگە ءوستى. اتقارىلماعان سوما 59 ميلليارت تەڭگەنى قۇرادى. ونىڭ ىشىندە 10 ميلليارت تەڭگە ۇنەمدەلگەن جانە 49 ميلليارت تەڭگە يگەرىلمەگەن. ەڭ كوپ يگەرىلمەگەن سومالاردىڭ تسيفرلىق دامۋ، قورعانىس جانە اەروعارىش مينيسترلىگىندە (10 ميلليارت تەڭگە)، ورتالىق سايلاۋ كوميسسياسىندا (8 ميلليارت تەڭگە)، قورعانىس مينيسترلىگىندە (4,6 ميلليارت تەڭگە)، قارجى مينيسترلىگىندە (4,6 ميلليارت تەڭگە) جانە جوعارعى سوتتا (4,3 ميلليارت تەڭگە) ەكەنى انىقتالدى»، - دەدى ءاليحان سمايىلوۆ ۇكىمەت وتىرىسىندا.

يگەرىلمەۋدىڭ نەگىزگى سەبەپتەرى رەتىندە مينيستر مەملەكەتتىك مەكەمەلەردى قايتا ۇيىمداستىرۋ، كونكۋرستىق راسىمدەردى ۇزاق وتكىزۋ، ورىندالعان جۇمىستار اكتىلەرىن ۋاقتىلى ۇسىنباۋ، قازىناشىلىق ورگاندارىنا تىركەۋگە شارتتار مەن قوسىمشا كەلىسىمدەردىڭ كەش ۇسىنىلعانىن ايتتى.

«رەسپۋبليكالىق بيۋدجەتتە وڭىرلەرگە 1 تريلليون 638 ميلليارت تەڭگە نىسانالى ترانسفەرتتەر قاراستىرىلعان. ەسەپتى كەزەڭدە ولارعا 407 ميلليارت تەڭگە ءبولىندى. ونىڭ �,9 تى يگەرىلدى. اتقارىلماعان 8,5 ميلليارت تەڭگەنىڭ 1,5 ميلليارت تەڭگەسى ۇنەمدەلدى جانە 7 ميلليارت تەڭگەسى يگەرىلمەدى. نەعۇرلىم كوپ يگەرىلمەۋ: نۇر-سۇلتان قالاسىندا - 1 ميلليارت تەڭگە، جامبىل وبلىسىندا - 0,9 ميلليارت تەڭگە، باتىس قازاقستان جانە تۇركىستان وبلىسىنتارىندا - 0,7 ميلليارت تەڭگەدەن، اقتوبە وبلىسىندا- 0,6 ميلليارت تەڭگە. وعان تولەمنىڭ نەگىزدىلىگىن راستايتىن قۇجاتتاردىڭ ۇسىنىلماۋى، جۇمىستاردىڭ بەكىتىلگەن كەستەدەن قالۋى، كونكۋرستاردىڭ وتكىزىلمەۋى سەبەپ بولعان»، - دەدى ءاليحان سمايىلوۆ.