«كەشە، 2019 -جىلدىڭ 10 -ماۋسىمىندا شامامەن 18-00 دەن باساپ 2019 -جىلعى 11 -ماۋسىم ساعات 02-00 گە دەيىن الماتى قالاسىندا بىرنەشە توپ تۇلعا قوعامدىق ءتارتىپتىڭ بۇزىلۋىنا جول بەرمەدى. اتالعان قۇقىق بۇزۋشىلىققا قاتىسقانداردى پوليتسيا ۇستادى. قازىرگى ۋاقىتتا اتالعان وقيعالارعا قاتىستى قۇقىق قورعاۋ ورگاندارىنىڭ تاراپىنان تولىق قۇقىقتىق باعا بەرىلگەن جوق. دەگەنمەن، پوليتسيا قاۋەسەتكە جول بەرمەۋ جانە حالىققا سەنىمدى اقپارات جەتكىزۋ ماقساتىندا اتالعان دەرەكتەردى ناقتىلايتىن بىرنەشە فاكتىنى جاريا ەتەدى»، - دەلىنگەن تاراتىلعان اقپاراتتا.
ۆەدومستۆو مالىمەتىنشە، بىرىنشىدەن، 10 -ماۋسىم كۇنى ساعات 18:00 دە «العاباس» شاعىن اۋدانىندا، «الاتاۋ» تەاترىنىڭ الدىنا ر. زايىتوۆتىڭ ۇندەۋىمەن زاڭسىز شەرۋ وتكىزۋ ءۇشىن ءبىر توپ ادام جينالعان. ولار پوليتسيانىڭ «تاراڭدار» دەگەن تالاپتارىن ەلەمەي، قارسىلىق تانىتقاندارى ءۇشىن ۇستالدى. بۇعان قوسا ولاردىڭ كەيبىرى «الماتى ارەنا» اۋدانىندا جولداردى جاپقان.
«ر. زايىتوۆپەن اڭگىمەلەسۋ جۇرگىزىلگەننەن كەيىن ول ۇيىنە جىبەرىلدى. دەگەنمەن، ر. زايىتوۆپەن اڭگىمەلەسۋ ءجۇرىپ جاتقان كەزدە الماتى قالالىق پوليتسيا دەپارتامەنتىنىڭ الدىنا ونى قولداعان ءبىر توپ ادام جينالدى. ر. زايىتوۆ ۇيىنەن كەلىپ، ولاردان ۇيلەرىنە تاراۋدى، ەشقانداي زاڭسىز شاراعا قاتىسپاۋدى، ارانداتۋشىلىققا ەرمەۋدى ءوتىندى. جينالعاندار بىرنەشە توپ بولىپ، قالا ىشىنە تاراپ كەتتى. ءبىراق، ولاردىڭ ءبىرى جەكە كولىگىمەن تولە بي مەن اباي كوشەلەرىندە قوزعالىسقا بوگەت جاسادى. 3-4 ماشينا قاتارلاسىپ لەك تۇزەپ، دىبىستىق دابىلدارىن قوسىپ، تومەن جىلدامدىقپەن قوزعالدى. ولار قالىپتى قوزعالىسقا كەدەرگى كەلتىردى. ءدال وسى ۋاقىتتا اتالعان كوشەدە ءبىر توپ ادام جول ۇستىمەن ءجۇرىپ، قوزعالىسقا بوگەت جاساپ، اپاتتىق جاعداي تۋىنداتتى. ادام قاتتى ايقايلاپ، ىسقىردى، وزدەرىن بارىنشا دورەكى ۇستادى»، - دەدى دەپارتامەنتتەن.
تاراتىلعان اقپاراتقا قاراعاندا، قۇقىق بۇزۋشىلار قانداي دا ءبىر تالاپ قويماعان.
«ەكىنشىدەن، زاڭسىز اكسياعا قاتىسۋشىلار بىرنەشە قىلمىستىق ارەكەتتەر جاسادى. ماسەلەن، تۇنگى ءبىر جارىمدا تولە بي مەن وتەگەن باتىر قيىلىسىندا، «سايران» اۆتوبەكەتىنە قارسى جولدا زاڭسىز اكسياعا قاتىسۋشى كولىگىمەن جول قوزعالىسىن رەتتەۋ قىزمەتىن اتقارىپ تۇرعان جول-پاترۋلدىك پوليتسيا قىزمەتكەرىن قاعىپ كەتتى. دارىگەرلەر وعان وڭ جاق تىزەسىنىڭ جابىق سىنۋى دياگنوزىن قويدى. جۇرگىزۋشى قىلمىس ورنىنان بوي تاسالاعانىمەن ق ر قىلمىستىق كودەكسىنىڭ 345-بابىندا قاراستىرىلعان بەلگىلەر بويىنشا ۇستالدى»، - دەدى ۆەدومستۆودان.
سونىمەن قاتار الماتى قالاسىنىڭ الاتاۋ اۋدانىندا كەشكى ۋاقىتتا ماس كۇيدەگى ءبىر توپ ادام پوليتسيانىڭ قىزمەتتىك كولىگىن زاقىمداعان. ولار كولىككە تاس لاقتىرىپ تەرەزەسىن سىندىرعان. قۇقىق بۇزۋشىلار ۇستالعان. اتالعان فاكتى ق ر ق ك 293-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلگەن.
«ۇشىنشىدەن، كەشكى جانە تۇنگى ۋاقىتتا اتالعان قۇقىق بۇزۋشىلىقتارعا قاتىستى پوليتسيانىڭ كولل-ورتالىعىنا ازاماتتاردان 1250 شاعىم تۇسكەن. ونىڭ 70 پايىزى تۇندە بولدى. حالىق تۇنگى ۋاقىتتاعى شۋ مەن ايقايدان شوشىنعان. جۇرگىزۋشىلەر جول ءجۇرىسى ەرەجەسىنىڭ ورەسكەل بۇزىلۋىنا نارازىلىق تانىتقان. پوليتسيا ورگاندارى زاڭسىز ارەكەتتەردى تىيۋ بويىنشا ءتيىستى شارالاردى قابىلدادى. قۇقىق بۇزۋشىلار ۇستالدى. قازىرگى ۋاقىتتا الماتىداعى احۋال تولىقتاي باقىلاۋدا. كولىك پەن بارلىق قىزمەتتەردىڭ قالىپتى جۇمىسى قامتاماسىز ەتىلگەن. كوشەلەردەگى قاۋىپسىزدىكتى قامتاماسىز ەتۋ بويىنشا بارلىق شارالار قابىلدانعان. پوليتسيا قوعامدىق ءتارتىپتىڭ بۇزىلۋىنا، كەز كەلگەن قۇقىققا قايشى ارەكەتكە جول بەرمەيدى، ازاماتتاردىڭ ءومىرى مەن قاۋىپسىزدىگىنە تونگەن قاتەرگە زاڭعا سايكەس قاتاڭ تىيىم سالىناتىندىعىن مالىمدەيدى. قوسىمشا مالىمەتتەر اقپاراتتار ناقتىلانۋىنا بايلانىستى ب ا ق-قا حابارلاناتىن بولادى»، - دەپ اتاپ وتەدى الماتى قالالىق پوليتسيا دەپارتامەنتىنەن.