وقيعا قاراساي اۋدانىندا بولعان. 30 جاستاعى الماتىلىق قوسوزەن كەنتىندە «تويوتا سيۋرف» اۆتوكولىگىن بەلگىسىز بىرەۋدىڭ ۇرلاپ اكەتكەنىن ايتىپ، شاعىمدانعان. پوليتسەيلەر جول تالعامايتىن كولىكتى تاپتى. ونى ىشىمدىك ىشكەن ايەل تىزگىندەگەن.
«41 جاستاعى تالعار اۋدانىنىڭ تۇرعىنىنا كولىك ۇرلادى دەگەن كۇدىك كەلتىرۋدە. ول قوناققا كەلىپ، كوشەگە شىققان سوڭ تۇراقتا تۇرعان جول تالعامايتىن كولىكتى بايقاپ قالعان. كولىكتىڭ ەسىگى اشىق تۇرعان جانە وتالىپ تۇرعان. ايەل ماس كۇيىندە رۋلگە وتىرىپ، الماتىعا جول تارتقان. ونىڭ نە سەبەپتى بۇنداي ارەكەتكە بارعانى انىقتالىپ جاتىر»، - دەپ حابارلادى الماتى وبلىستىق پ د باسپا ءسوز قىزمەتىنەن.
ماس كۇيدەگى ايەل تۇندە قاراساي اۋدانىنان الماتى قالاسىنا بارماقشى بولادى. وسى ماقساتتا كورشى ءۇيدىڭ اۋلاسىندا تۇراقتا تۇرعان كولىكتى ايداپ اكەتكەن. پوليتسەيلەر 30 مينۋتتىڭ ىشىندە ۇرىنى ۇستادى، - دەپ حابارلادى الماتى وبلىستىق پوليتسيا دەپارتامەنتىنىڭ باسپا ءسوز قىزمەتى.
پوليتسەيلەر بۇل فاكتى بويىنشا قىلمىستىق ءىس قوزعادى. بۇدان بولەك، كۇدىكتىنىڭ جۇرگىزۋشى كۋالىگى بولعاندىقتان، ونى ماس كۇيىندە كولىك جۇرگىزگەنى ءۇشىن اكىمشىلىك جاۋاپقا تارتپاقشى.