«مەن ەۋروپادان ەسكى قوندىرعىنى جەتكىزىپ، ونى ەلدى مەكەنىندە ورناتقان اۋىل تۇرعىنىن بىلەمىن. ەندى ەنەرگيانى ساتىپ، اۋكسيونعا قاتىسۋعا نيەتتى، ياعني باسەكەگە ءتۇسىپ، ەلەكتر ەنەرگياسىن ءبىرىڭعاي ساتىپ الۋشىعا وتكىزبەك. اتاپ ايتقاندا، بۇگىندە ەۋروپا ەلدەرى بۇرىن پايدالانىلعان جەل ەلەكتر ستانسالارىنان بىرتىندەپ قۇتىلىپ جاتىر. سەبەبى ولاردى ۋتيليزاتسيادان وتكىزۋ كەرەك، بۇل ءوز كەزەگىندە ءتيىستى شىعىنداردى تالاپ ەتەدى. سايكەسىنشە، ونى قازاقستانعا وتكىزۋ ولارعا وڭايعا تۇسەدى. قازاقستاندىقتار بولسا، ونى ساتىپ الۋعا قارسى ەمەس. بۇل قۇرىلعىلار ءوزىنىڭ قالعان رەسۋرسى بويىنشا جۇمىس ىستەگەننەن كەيىن، توزىعى جەتكەن بۇل ستانسالارمەن ءبىزدىڭ تۇرعىندار ەرتەڭ نە ىستەيتىنى تۇسىنىكسىز»، - دەدى بوزىمبايەۆ ماجىلىستە وتكەن ۇكىمەت ساعاتىندا.
وسى ورايدا ول بۇل جاعداي بۇعان دەيىن ەلىمىزدە بايقالعان ەسكى كولىكتەردى جاپپاي يمپورتتاۋ كەستەسىنە ۇقساس ەكەنىن مىسال ەتتى.
«كەزىندە گەرمانيادا اۆتوكولىكتىڭ ۋتيليزاتسياسىنا سالىق تولەمەس ءۇشىن ونى ءبىزدىڭ ەلىمىزگە وتكىزدى. بىزگە بۇل ەسكى كولىكتەر كوپتەپ كىرگەن ەدى. كەيىن وسىنىڭ سالدارىنان بىرنەشە جىل بۇرىن ۋتيليزاتسياعا الىم ەنگىزۋگە ءماجبۇر بولدىق جانە 83 مىڭ اۆتوكولىكتى ۋتيليزاتسيادان وتكىزدىك»، - دەپ ءتۇسىندىردى مينيستر.
وسى ورايدا ول 2-3 جىلدان كەيىن ىستەن شىققان جەل ەلەكتر ستانسالارىنىڭ ۋتيليزاتسياسى دا كەيبىر قيىندىقتاردى تۋدىراتىنىن جەتكىزدى.
ق. بوزىمبايەۆتىڭ سوزىنشە، اۋكسيونعا قاتىسۋشىلار جاڭا جابدىقتارمەن كەلەتىنى انىق. ەگەر دە اۋكسيونعا اتالعان فەرمەر ەسكى جابدىقتارىمەن كىرگىزىلسە، وندا بۇل جاعداي كەم دەگەندە باسەكەگە قابىلەتتىلىككە نۇقسان كەلتىرەدى.
«ءوزىنىڭ قاجەتى ءۇشىن تۇرعىندار كەرەك بولعان جابدىقتارىن كىرگىزە الادى. الايدا ەلىمىزگە ەسكى جابدىقتاردىڭ جەتكىزىلۋىن مەملەكەت تاراپىنان ىنتالاندىرۋ - بۇل قيسىنسىز جاعداي. وسى ورايدا بىزدە ناقتى ۇستانىم بار. قازاقستان العا جىلجۋى كەرەك، سوڭعى بۋىندى ءتيىمدى تەحنولوگيالاردى الىپ كەلگەن ءجون»، - دەدى ەنەرگەتيكا ءمينيسترى.
اۆتور: رۋسلان عابباسوۆ