مۇنداي پىكىردى ەلوردادا تىلشىلەرگە بەرگەن سۇحباتىندا ازەربايجاندىق ساياساتكەر فارحاد مامەدوۆ ءبىلدىردى، دەپ حابارلايدى قازاقپارات ءتىلشىسى.
«سايلاۋعا قاتىسقان كانديداتتاردىڭ باسىم بولىگى سايلاۋ سىنىنا ءبىرىنشى رەت ءتۇسىپ وتىر. بۇل دەگەنىمىز كانديداتتاردىڭ ەلەكتورالدىق شاما- شارقى تەڭ بولدى دەگەندى بىلدىرەدى. بۇگىن ورتالىق سايلاۋ كوميسسياسى جاريالايتىن سايلاۋ قورىتىندىسى - قازاقستاننىڭ الداعى بىرنەشە جىلىنىڭ ساياسي كۇن ءتارتىبىن ايقىندايتىن بولادى»، - دەدى شەتەلدىك ساراپشى.
فارحاد مامەدوۆتىڭ ايتۋىنا قاراعاندا، قازاقستان - ايماقتاعى ماڭىزى مەن سالماعى زور مەملەكەتتەردىڭ ءبىرى. مىنە، سوندىقتان، وسى ەلدە ءوتىپ جاتقان كەز كەلگەن پروتسەسس - قالاي بولسا دا كورشى ەلدەرگە ىقپال ەتەتىن بولادى.
«سول سەبەپتى، قازاقستانداعى سايلاۋالدى كامپانياعا دەگەن كوپتىڭ نازارى ەرەكشە بولدى. قوعامعا تانىستىرىلعان كانديداتتاردىڭ باعدارلاماسىنا دا ەرەكشە كوڭىل ءبولىندى. اسىرەسە، شەتەلدىك ساراپشىلاردى كانديداتتاردىڭ سىرتقى ساياسات بويىنشا ۇستانىمدارى قىزىقتىردى دەگەن ويدامىن. قوعام مۇراگەرلىككە داۋىس بەردى. Еxit poll ناتيجەسى وسىنى كورسەتىپ وتىر. سايلاۋشىلاردىڭ سايلاۋ ۋچاسكەلەرىنە كوپتەپ كەلۋى حالىقتىڭ كانديداتتاردىڭ باعدارلاماسىن ۇعىنعانىن بىلدىرەدى. تەڭ جاعداي جاسالدى»، - دەدى ساياساتكەر.
فارحاد مامەدوۆ ءوز سوزىندە ورتالىق ازيادا قازاقستان - دامۋ لوكوموتيۆى ەكەنىن تىلگە تيەك ەتتى.
«قازاقستان - توعىز جولدىڭ تورابىندا تۇرعان مەملەكەت. ءدال وسى جەردە ەۋرازيالىق ەكونوميكالىق وداق پەن قىتايدىڭ باستامالارى ءتۇيىسىپ تۇر. سول سەبەپتى، الەمدىك قاۋىمداستىقتاردىڭ نازارىنىڭ قازاقستانعا اۋىپ تۇرعانىنىڭ وزىندىك ءمانى بار. البەتتە، قازاقستاندا جۇزەگە اسىرىلىپ جاتقان رەفورمالار مەن جوبالار ەڭ ءبىرىنشى كەزەكتە قازاقستان حالقى ءۇشىن جاسالىپ جاتىر. كورشى ەلدەرگە دە اسەرى مول. سول سەبەپتى، قازاقستانداعى بيلىك ءترانزيتىنىڭ ورتالىق ازيا ەلدەرىنە ىقپال ەتۋى - زاڭدى»، - دەدى ول.
ەسكە سالا كەتسەك، Еxit poll ناتيجەسى بويىنشا 9 -ماۋسىمدا وتكەن ق ر پرەزيدەنتىنىڭ كەزەكتەن تىس سايلاۋى بارىسىندا سايلاۋشىلاردىڭ 70,13 پايىزى كانديدات قاسىم-جومارت توقايەۆقا داۋىس بەرگەن ەدى.
ەسكە سالا كەتسەك، كەشە قازاقستان پرەزيدەنتىن كەزەكتەن تىس سايلاۋى ءوتتى. ق ر پرەزيدەنتىنىڭ كەزەكتەن تىس سايلاۋىندا ەل ىشىندە جانە شەت ەلدەردە 9968 داۋىس بەرۋ ۋچاسكەسى جۇمىس ىستەدى. سايلاۋ تۋرالى كونستيتۋتسيالىق زاڭعا سايكەس، داۋىس بەرۋ ۋاقىتى ستاندارتتى (ساعات 7.00-20.00 ارالىعى) بولدى.