يتاليا پارلامەنتى سپيكەرىنىڭ ورىنباسارى ەتتو روزاتتو ەلوردادا وتكەن باسپا ءسوز ءماسليحاتىندا قازىر تاڭدا قازاق حالقى ماڭىزدى كەزەڭگە اياق باسقالى وتىرعانىن ءمالىم ەتتى.
ء«دال قازىر جانە ءدال وسى جەردە قازاقستاننىڭ كەلەشەكتەگى كوشباسشىسى تاڭدالىپ جاتىر. شەتەلدىك بايقاۋشىلار رەتىندە سايلاۋ بارىسىن باقىلاپ قايتتىق. بىرنەشە سايلاۋ ۋچاسكەلەرىنە بارىپ، حالىقپەن، شەتەلدىك دەلەگاتتارمەن، ءتىپتى پرەزيدەنتتىككە كانديداتتاردىڭ وزىمەن تىلدەسىپ ۇلگەردىك. البەتتە، سايلاۋ قورىتىندىسىنان حابارىمىز جوق. الايدا ءار سايلاۋ ۋچاسەسىندەگى ۇزىن- سونار كەزەكتى كورۋ - وتە جاقسى بەلگى دەپ ايتار ەدىم. بۇل جاعداي وسى ەلدە دەموكراتيا جاقسى دامىعانىن كورسەتەدى» ، - دەدى ەتتو روزاتتو.
بايقاۋشى ءوز سوزىندە قازاقستانمەن قارىم- قاتىناستى نىعايتۋعا يتاليا قاشان دا مۇددەلى ەكەنىن جەتكىزدى.
«قىتاي مەن رەسەي اراسىندا ورنالاسقان قازاقستان قازىرگى ۋاقىتتا ويلى ساياسات جۇرگىزىپ وتىر. ساياساتتىڭ وسىناۋ تەپە- تەڭدىگىنىڭ ماڭىزى وتە زور» ، - دەدى بايقاۋشى.
يتاليادان كەلگەن تاعى ءبىر بايقاۋشى، يتاليا رەسپۋبليكسانىڭ سەناتورى انتونيو ميزياني سايلاۋ - قازاقستان ءۇشىن ماڭىزدى قادامداردىڭ ءبىرى ەكەنىن اتاپ ءوتتى.
«سايلاۋ جوعارى دەڭگەيدە ءوتىپ جاتىر. ءبىزدىڭ ويىمىزشا، پروتسەس تازا ۇيىمداستىرىلعان. ءبىز بارعان سايلاۋ ۋچاسكەلەرىندە حالىقتىڭ كوپتەپ كەلىپ جاتقانىن كوردىك. حالىقتىڭ كوبى مەرەكەلىك كوڭىل كۇيدە ءجۇر. بۇل دەگەنىمىز حالىقتىڭ جاعدايى جاقسى ەكەنىن كورسەتەدى» ، - دەدى يتاليا سەناتورى.
ايتا كەتسەك، سايلاۋ تۋرالى پىكىرىن وسى ۋاقىتقا دەيىن پولشا، رۋمىنيا، رەسەي ەلدەرىنىڭ بايقاۋشىلارى بىلدىرگەن بولاتىن.
وسى ۋاقىتقا دەيىن قازاقستان سايلاۋشىلارىنىڭ 65,9 پايىزى داۋىس بەرىپ ۇلگەردى.
ەسكە سالا كەتسەك، بۇگىن قازاقستان پرەزيدەنتىن كەزەكتەن تىس سايلاۋ پروتسەسى ءوتىپ جاتىر. قر پرەزيدەنتىنىڭ كەزەكتەن تىس سايلاۋىندا ەل ىشىندە جانە شەت ەلدەردە 9968 داۋىس بەرۋ ۋچاسكەسى جۇمىس ىستەيدى.