جەر جاھاننىڭ تۇكپىر- تۇكپىرىندە عالىمدار زەرتتەۋلەر جۇرگىزىپ، ناتيجەگە جەتكىسى كەلەدى. سوڭعى عاسىرداعى عىلىمنىڭ دامۋىنا قاراماستان ادامزات ءۇشىن ماڭگىلىك ءومىر مەن ءولىم بەلگىسىز بولىپ قالا بەرمەك. الايدا قازىردىڭ وزىندە عالىمدار مەن زەرتتەۋشىلەر ماڭگى ءومىر ءسۇرۋدىڭ بىرنەشە گيپوتەزالىق جولدارىن ۇسىنادى. مۇزعا قاتىرۋ العاش رەت ادام بالاسى بۇل قادامعا 1967 -جىلى باردى. 1973 -جىلى امەريكالىق پسيحولوگيا پروفەسسورى دجەيمس بەدفوردتىڭ وكپەسىنەن قاتەرلى ىسىك تاپقان. الدىمەن ونىڭ دەنەسىن قورعانىش ەرىتىندىمەن وڭدەپ، الدىمەن تسەلسيا بويىنشا - 79 گرادۋس بولاتىن مۇزعا، سوسىن - 200 گرادۋسقا دەيىن جەتەتىن سۇيىتىلعان ازوتقا قاتىرعان. وسى ساتتەن باستاپ كريونيكتەر 12 قاڭتاردى "بەدفورد كۇنى" دەپ اتاپ وتەدى. ءالى كۇنگە دەيىن بۇل ءادىستىڭ راستىعى دالەلدەنبەگەن. الايدا ونىڭ جاقتاستارى كۇن وتكەن سايىن ارتىپ كەلەدى.
قازىردىڭ وزىندە الەم بويىنشا جۇزدەن استام ادام ءوزىنىڭ كەزەگىن كۇتۋدە. دەنەسىن قاتىرۋعا بەل بۋعان ادامداردىڭ ميىنىڭ ولگەنىن انىقتالعاننان سوڭ عانا بۇل ءادىستى قولدانادى. ويتكەنى تىرىدەي ادامدى قاتىرۋ - ولىممەن تەڭ. كلونداۋ بۇل قايتا ءتىرىلۋ دەگەندى بىلدىرمەيدى. تەك ءوزىڭنىڭ ۇقساس كلونىڭدى جاسايسىڭ. قالاي دەيسىز عوي؟ ەڭ تانىمال ءادىسى - "يادرونى كوشىرۋ". ۇرىقتانعان انالىق جاسۋشانىڭ يادروسى الىنىپ، ورنىنا ءوزىن كلونداعىسى كەلگەن ادامنىڭ دنق- سى ورناتىلادى. عالىمدار دوللي ەسىمدى شوتلانديالىق قويدى ءساتتى كلونداپ شىعارعان. ءبىراق بۇل ادىسكە الەم ەلدەرىنىڭ باسىم بولىگىندە تىيىم سالىنعان.
ازىرگە شۆەيتساريالىق بانك ادامداردىڭ د ن ق- سىن 400 دوللارعا قابىلدايدى. ولار ادام گەنومى مەن بولاشاقتا كلون قايدان شىققانىن ءبىلۋ ءۇشىن اقپاراتتى ساقتايدى. مەن - كومپيۋتەرمىن شۆەيتساريالىق عالىمدار ماڭگىلىك ءومىردىڭ سىرى - تۇلعانى ۆيرتۋالدى الەمگە كوشىرۋ. ماڭگىلىككە. كومپيۋتەرگە. لوززانا ۋنيۆەرسيتەتىنىڭ زەرتتەۋشىلەرى مەن IBM كومپانياسىنىڭ بىرىككەن جوباسى Blue Brain Project (كوك سانا) دەپ اتالادى. ماقساتى - ميدىڭ بارلىق بولىگىن سكانەرلەپ، اقپاراتتى ەلەكتروندى تاسىمالداۋشىعا كوشىرۋ. ءتىپتى، وسى باعىتتا سەتتلەرەتيكا (settler سوزىنەن شىققان - "قونىس اۋدارۋشى") دەگەن جاڭا عىلىم پايدا بولدى. ءبىراق بۇل جولدا ءبىر ۇلكەن كەدەرگى بار. عالىمدار ءالى كۇنگە سانانىڭ نە ەكەنىن تولىقتاي انىقتاعان جوق، وعان قوسا ونى قالاي كوشىرۋ ەكەنىن بىلمەيدى. ءشوپتىڭ ءيىسى، كۇننىڭ نۇرى.. .
بارلىق نارسەنى جادىنا ساقتايتىن سەنسورلى كوستيۋم ويلاپ تابۋ. بۇل ارقىلى ادامنىڭ نە ەستىگەنىن، سەزگەنىن، كورگەنىن ساقتاپ الۋ. ادام ولگەننەن سوڭ بارلىق اقپارات ينفوتەكادا ساقتالىپ، سوسىن نەيروكومپيۋتەر ارقىلى چيپكە كوشىرىلەدى. ونى تەك جاساندا جاڭا دەنەگە ورناتۋ قاجەت. الايدا بۇل ءادىستىڭ جۇزەگە اسۋى ميللياردتان ءبىر. جاساندى دەنە مەن ميدى جاساۋ عالىمدار جاساندى دەنە مەن ميدى جاساۋدىڭ جولىن تاپقاننان سوڭ بۇل ءادىس مۇمكىن بولادى دەگەن بولجام بار. جاساندى دەنەگە ادامنىڭ ءتىرى ميىن نەمەسە جاساندى دەنە مەن ميعا تۇلعانىڭ ساناسىن ورناتۋ ارقىلى ماڭگى ومىرگە قول جەتىزۋگە بولادى دەيدى .
Massaget.kz