العاش رەت «World book of records» جانە «Asian Book of Records» سياقتى رەكوردتار كىتابىنا كىرەتىن «Most People Solving Math Matrix Together» الەمدىك رەكوردى ەلوردادا جاسالدى.
«بۇگىن تاۋەلسىزدىك سارايىندا اۋىزشا ەسەپتەۋ باعدارلاماسى بويىنشا ەۋرازيالىق ينتەللەكتۋالدى وليمپيادا (Eur IO) ءوتتى. ءىس- شاراعا قازاقستاننىڭ تۇكپىر- تۇكپىرىنەن، سونداي- اق ماسكەۋ، ءنوۆوسىبىر، ۋفا، تاشكەنت جانە باسقا دا ءبىرقاتار قالالاردان 5 پەن 15 جاس ارالىعىندا 1000 بالا قاتىستى» دەلىنگەن حابارلامادا.
ەرەجەلەر مەن ءتارتىپتىڭ ساقتالۋىن رەكوردتار كىتابىنىڭ وكىلى، دوكتور روي چوۆدحۋرى بيسۆارووپ قاداعالادى.
رەكورد ورناتقاننان كەيىن بالالار مەرەكەلىك شەرۋگە قاتىستى، سونىمەن قاتار «بارىس ارەنادا» وتكەن «جۇلدىز- اي» بالالار شىعارماشىلىعى بايقاۋىن تاماشالادى.